კომპანია "ბილაინის" დაფინანსებით, საქართველოს თეატრის, მუსიკის, კინოსა და ქორეოგრაფიის სახელმწიფო მუზეუმმა საინტერესო პროექტი განახორციელა. ყველა დროისა და ხალხის 16 ცნობილი წყვილის უნიკალური პორტრეტი ვალენტინობისDდღესთან დაკავშირებით ღია ბარათების სახით გამოიცა.

"რომეო და ჯულიეტას"(იტალია), "ტრისტანი და იზოლდას"(გერმანია), "იზიდა და ოსირისის" (ეგვიპტე), "ლუდმილა და რუსლანის"(რუსეთი), "შაჰ-ჯაჰანი და მუნტაზ-მაჰალის"(ინდოეთი), "ტარიელი და ნესტან-დარეჯანის" (საქართველო) ძვირფასი ფერადი ლითოგრაფიები მუზეუმის ბიბლიოთეკაშია დაცული. აღნიშნული წიგნი პარიზში XIX საუკუნეში დაიბეჭდა და გამოცემისთანავე ბიბლიოგრაფიულ იშვიათობად იქცა. მისი ლითოგრაფიების შესრულების დროს ცნობილმა გრავიორმა ა. ლაკოშემ ოქროს მელანი გამოიყენა, რითაც ნახატებს ფერთა განსაკუთრებული სიხასხასე შესძინა.

გამოცემულ ღია ბარათებს შეყვარებული წყვილების პორტრეტების გარდა მათი ქვეყნების ენაზე შესრულებული სასიყვარულო ტექსტებიც ახლავს. პროექტის პრეზენტაცია ხვალ, საქართველოს თეატრის, მუსიკის, კინოსა და ქორეოგრაფიის სახელმწიფო მუზეუმის ბიბლიოთეკაში