რუსთაველის თეატრის წინ დღეს ჯემალ ღაღანიძის ვარსკვლავი გაიხსნება. მანამდე კი, 19.45 საათზე, თეატრის დიდ სცენაზე რონალდ ჰარვუდის "მოხუცი ჯამბაზები" იქნება წარმოდგენილი.

სევდიანი კომედია ორ მოქმედებად, ცნობილი მსახიობების: კახი კავსაძის, ზინა კვერენჩხილაძის, გურამ საღარაძის, ზაზა ლებანიძის, ჯემალ ღაღანიძის, მანანა გამცემლიძის, მარინა ჯანაშიასა და მარინა კახიანის მონაწილეობით გაიმართება. სპექტაკლის რეჟისორი გოჩა კაპანაძეა.

დამსახურებული და სახალხო არტისტი ჯემალ ღაღანიძე 1933 წლის 21 აპრილს თბილისში დაიბადა. 1956 წლიდან რუსთაველის თეატრის მსახიობია. ღაღანიძეს სცენაზე ათეულობით როლი, კინოში კი 20-მდე როლი აქვს შესრულებული.

1998 წელს მსახიობს ღირსების ორდენი გადაეცა, 2009 წელს კი კოტე მარჯანიშვილის სახელობის პრემია.