სიმონ ჯანაშიას სახელობის მუზეუმში დღეს, ქვევრის ღვინის I საერთაშორისო სიმპოზიუმი და ქვევრის ღვინის ისტორიისადმი მიძღვნილი გამოფენა გაიხსნება.

გამოფენაზე წარმოდგენილი იქნება მევენახეობა-მეღვინეობასთან დაკავშირებული საქართველოს ეროვნული მუზეუმის კოლექციებში დაცული ძვ.წ. IV ათასწლეულის II ნახევრიდან ძვ.წ. IV საუკუნის ჩათვლით დათარიღებული სამეურნეო იარაღები - ბარი, თოხი, სასხლავი, სარცხი, ორშიმო; ყურძნის საწური და ღვინის შესანახი ჭურჭელი - საწნახელი, საქაჯავი, თაღარი, ჭური, ქვევრი, ქოცო; სუფრის საღვინე ჭურჭელი და სასმისები - ხელადა, ფიალა, თასი, ჯამი, ჭინჭილა, კულა, მარანი, ყანწი და სხვა. თითოეულ ხსენებულ არტეფაქტს ხანგრძლივი და უწყვეტი ტრადიცია აქვს საქართველოში.

გამოფენის ორგანიზატორები არიან USAID-ის ეკონომიკური აღმავლობის ინიციატივის პროგრამა (EPI), საქართველოს ეროვნული მუზეუმი და ასოციაცია "ქართული ღვინო".