ტერიტორიაზე, სადაც პოპულარული რუსული ტელეშოუ "დომ-2" მიმდინარეობს, აფეთქება მოხდა.
როგორც "ინტერფაქსი" მოსკოვის სამართალდამცავ ორგანოებში სანდო წყაროზე დაყრდნობით იუწყება, აფეთქება 19:20 საათზე მოხდა. სავარაუდოდ, გაზის ბალონი აფეთქდა. ამ დროისთვის მიმდინარეობს აფეთქების სიძლიერის დაზუსტება და მიზეზები.
პირველადი მონაცემებით, აფეთქების შედეგად, ორი ადამიანი დაშავდა. ერთ-ერთ მათგანს ხელის მტევანი აქვს მოწყვეტილი. დაშავებულები მოსკოვის საავადმყოფოში გადაიყვანეს. ტელეშოუს მონაწილეთაგან არავინ დაშავებულა.
ტელეშოუ ეთერში 2004 წლიდან გადის.
ასაფეთქებელი პაკეტი ტელეშოუს გადასაღებ შენობაში გასული წლის აპრილშიც ააფეთქეს, რის შედეგადაც დაცვის თანამშრომელი დაშავდა.
v-if="article.gallery" v-html="article.gallery"