გლდანის ციხეში რიგგარეშე ვიდეოპამნებისთვის რეგისტრაცია დაიწყო
გლდანის ციხეში პატიმრების იმ ახლობლების რეგისტრტაცია დაიწყო, რომლებიც რიგგარეშშე პაემნის უფლებით ისარგებლებენ. როგორც "ინტერპრესნიუსის" კორესპონდენტი იუწყება, ამ დროისთვის რეგისტრაციის პროცესი მიმდინარეობს. მსურველი ბევრია, თუმცა ჯერ უცნობია, რამდენი მათგანი შეძლებს რიგგარეშე ვიდეოპაემანზე შესვლას.
პრეზიდენტმა მიხეილ სააკაშვილმა ძალოვანი სტრუქტურების ხელმძღვანელებთან დღევანდელ შეხვედრისას განაცხადა, რომ 25 ათასი ოჯახი ნერვიულობს იმის გამო, რაც ნახა ტელევიზორში და თუ სურვილი ექნებათ, თავიანთ პატიმრებს ვიდეოპაემნის საშუალებით შეხვდებიან.
"დაუკავშირდით მათ და ვისაც უნდა ვიდეოპაემანი, გააკეთეთ სია, ყველა მიიყვანეთ და აჩვენეთ თავიანთი ნათესავები; დაამყარებინეთ კონტაქტი, რომ საღსალამათია და ფიზიკურად პრობლემა არ შეხებია. სისტემა მაქსიმალურად უნდა გავხსნათ. დახურულ სისტემას მოჰყვება ხოლმე ის, რაც მოხდა. პოლიცია ჩვენ გავხსენით და იმის გამო, რომ საზოგადოება ჩართულია, იქ ასეთი რამე მასშტაბურად გამორიცხულია", - განაცხადა მიხეილ სააკაშვილმა ძალოვანი უწყებების ხელმძღვანელებთან და პრემიერ-მინისტრთან შეხვედრაზე.
v-if="article.gallery" v-html="article.gallery"
