ირაკლი ღარიბაშვილი - ქვეყნისთვის ძალიან მნიშვნელოვანია, რომ ხელისუფლების გადაბარების პროცესი დემოკრატიულად მიმდინარეობს
1-ელ ოქტომბერს ქვეყნის განვითარების გზაზე მნიშვნელოვანი მოვლენა მოხდა, - ამის შესახებ ჟურნალისტებს პარლამენტში მისულმა "ქართული ოცნების" ერთ-ერთმა ლიდერმა, დეპუტატობის კანდიდატმა ირაკლი ღარიბაშვილმა განუცხადა.
მისი შეფასებით, ის ფაქტი, რომ ხელისუფლების გადაბარების პროცესი დემოკრატიულად და ექსცესების გარეშე მიმდინარეობს, ქვეყნისთვის ძალიან მნიშვნელოვანია.
"მინდა დღევანდელი დღე ყველას მივულოცო, ეს მნიშვნელოვანი დღეა. პირველ ოქტომბერს ქვეყნის განვითარების გზაზე მნიშვნელოვანი მოვლენა მოხდა. ის ფაქტი, რომ ხელისუფლების გადაბარების პროცესი დემოკრატიულად და ექსცესების გარეშე მიმდინარეობს, ძალიან მნიშვნელოვანია. ამ დღეს მთელ საქართველოს ვულოცავ", - აღნიშნა ირაკლი ღარიბაშვილმა.
როგორც ცნობილია, პარლამენტში "ქართული ოცნების" პარტიული სიით გასული ირაკლი ღარიბაშვილი შს მინისტრის პოსტზე მოიაზრება.
v-if="article.gallery" v-html="article.gallery"
