რეგიონული განვითარების სამინისტრო დღეს დონორთა საკოორდინაციო შეხვედრას უმასპინძლებს

საქართველოს რეგიონული განვითარებისა და ინფრასტრუქტურის სამინისტრო დღეს დონორთა საკოორდინაციო შეხვედრას უმასპინძლებს. როგორც "ინტერპრესნიუსს" სამინისტროდან აცნობეს, შეხვედრა რეგიონული განვითარების სამინისტროს ინიციატივით იმართება და მას საქართველოში აკრედიტებული დიპლომატიური კორპუსის, საერთაშორისო და დონორი ორგანიზაციების წარმომადგენლები დაესწრებიან.

შეხვედრაზე მინისტრი დავით ნარმანია წარადგენს საქართველოს რეგიონული განვითარებისა და ინფრასტრუქტურის სამინისტროს ბოლო 6 თვის საქმიანობისა და სამომავლო გეგმების ანგარიშს. დონორები, ასევე, მიიღებენ სრულ ინფორმაციას დეცენტრალიზაციისა და თვითმმართველობის სტრატეგიის განხორციელების მიმდინარეობის შესახებ, რომელსაც კონფერენციის მონაწილეებს მინისტრის პირველი მოადგილე, თენგიზ შერგელაშვილი გააცნობს.

კონფერენციაზე მიმდინარე და დაგეგმილ ინფრასტრუქტურულ პროექტებზე მოხსენებას მინისტრის მოადგილე შორთა მურღულია გააკეთებს. შეხვედრაზე, ასევე, სიტყვით გამოვა გაეროს მუდმივი წარმომადგენლის მოადგილე საქართველოში ინიტა პაულოვიცა.

დონორთა საკოორდინაციო შეხვედრა სასტუმრო "თბილისი მარიოტში", 14:00 საათზე დაიწყება.

ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
Webster University Georgia-ს რექტორი ჟან პოლ ვან მარისინგი - უნივერსიტეტს აქვს პოტენციალი, რეგიონის საგანმანათლებლო ჰაბი გახდეს
ქართული პრესის მიმოხილვა 24.06.2024
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად