იოგას კლუბი "ანანდა" იოგაში მედია ტურნირს აწყობს
იოგას კლუბი "ანანდა" 11 ნოემბერს საკუთარ დაბადების დღეს იოგაში მედია ტურნირს აწყობს. როგორც "ინტერპრესნიუსს" იოგას კლუბიდან აცნობეს,სამოყვარულო ტურნირს გაცნობით-ექსპერიმენტული ხასიათი ექნება. მედიის წარმომადგენლებს მიეცემათ მარტივი დავალებები, რაც იოგას პოზების (ასანების) შესრულებას გულისხმობს.
სახალისო შეჯიბრი საზოგადოებაში იოგას და ზოგადად ჯანსაღი ცხოვრების წესის პროპაგანდას ემსახურება. იოგას ცენტრი "ანანდა" განსაკუთრებულად სტრესულ სფეროში მომუშავე ადამიანებს განტვირთვისა და დასვენების შანსს სთავაზობს. იოგას კლუბ "ანანდას" ინფორმაციით, ჟურნალისტები ერთმანეთს არა გადაცემის წაყვანასა და სიუჟეტის მომზადებაში, არამედ ასანების შესრულებაში შეეჯიბრებიან.
ყველა მონაწილე დაჯილდოვდება სასაჩუქრე სერტიფიკატებით, გამარჯვებულებს კი განსაკუთრებული პრიზები გადაეცემათ. იოგას კლუბის ინფორმაციით, ტურნირში მონაწილეობას მიიღბენ ტელეკომპანია იმედის(ნუცა კოპალიანი), ჯი დი ეს-ის (ბუტა ორჯონიკიძე), რუსთავი 2-ის (ნია ტყეშელაშვილი), მარაოს (ნინა წკრიალაშვილი), მაესტროს (ანა კოშაძე), სხვადასხვა რადიოების, ასევე, ბეჭდური მედიის წარმომადგენლები.
მედია ტურნირი იოგაში ხვალ, 15:30 საათზე გაიმართება. "ანანდას" პრესსამსახურის ინფორმაციით, 20.00 საათზე კი იოგას კლუბი ერთგულ სტუმრებს საზეიმო საღამოზე ეპატიჟება. სპეციალურად "ანანდასთვის "კლიენტების მიერ მომზადებული ცეკვები და ინდური სამზარეულოს კერძები სტუმრებს განსაკუთრებულ განწყობას შეუქმნის.
v-if="article.gallery" v-html="article.gallery"
