საკრებულომ თბილისის მეწარმეობის ცენტრის დაფუძნებას მხარი დაუჭირა

თბილისის საკრებულომ თბილისის მეწარმეობის ცენტრის დაფუძნებას მხარი დაუჭირა. აღნიშნული ინიციატივის მომხრე 35 დეპუტატიდან იყო 19, მოწინააღმდეგე - 11, ხოლო სამმა დეპუტატმა თავი შეიკავა. შესაბამისად, ამ გადაწყვეტილებით თბილისის საკრებულომ თბილისის მთავრობას ცენტრის დაფუძნების შესახებ თანხმობა მისცა.

როგორც თბილისის მერიაში განმარტავენ, ცენტრი მცირე და საშუალო ბიზნესს განვითარებაში ხელს შეუწყობს. თბილისის მერიის წარმომადგენლების განცხადებით, ცენტრი ორიენტირებული იქნება მცირე და საშუალო ბიზნესის პრობლემების მოგვარებისკენ.

თბილისის მერის, დავით ნარმანიას განცხადებით, აღნიშნულ ცენტრს ყოფილი ვიცემერი ალექსანდრე მარგიშვილი უხელმძღვანელებს. საკრებულოს ოპოზიციონერი დეპუტატების თქმით კი, ცენტრის შექმნა არამართებულია, რადგან მსგავსი თემატიკის სამსახურები თბილისის მერიაში ისედაც არსებობს და ამ მხრივ გაწეული ხარჯები უსაფუძვლო და გაუმართლებელია.

მათივე განცხადებით, ეს გადაწყვეტილება მიმართულია მხოლოდ და მხოლოდ ალექსანდრე მარგიშვილის პირადი ინტერესებისთვის და მისი დასაქმებისთვის. დეპუტატების ინფორმაციით, ამ სამსახურში მარტო ხელფასების სახით 2 მილიონ ლარზე მეტი უნდა გაიცეს. საკრებულოს მიერ მიღებული გადაწყვეტილების შემდეგ "ნაციონალური მოძრაობის" წარმომადგენლებმა საკრებულოს სხდომა პროტესტის ნიშნად დატოვეს.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო