სოფლის მეურნეობის სამინისტრო სტიქიის ზონაში მიმდინარე სადეზინფექციო სამუშაოების შესახებ ინფორმაციას ავრცელებს

სოფლის მეურნეობის სამინისტრო სტიქიის ზონაში მიმდინარე სადეზინფექციო სამუშაოების შესახებ ინფორმაციას ავრცელებს.

როგორც "ინტერპრესნიუსს" სოფლის მეურნეობის სამინისტროდან აცნობეს, სურსათის ეროვნულმა სააგენტომ სტიქიის ზონებში სადეზინფექციო სამუშაოების ჩატარება ანტისეპტიკური და ასეპტიკური მეთოდებით დაიწყო. ტერიტორიის ე.წ. ,,თერმული ნისლით" დამუშავება სპეციალური სამანქანო დანადგარებითა და მექანიკური ზურგსაკიდი აპარატების მეშვეობით ხორციელდება. მანქანით მიუდგომელი ადგილები ზურგსაკიდი "სოლოს" ტიპის აგრეგატით მუშავდება. სადეზინფექციოდ გამოიყენება კორსოლინის ხსნარი, რომლითაც სვანიძის ქუჩის, ზოოპარკის, მზიურისა და ლაგუნა ვერეს მიმდებარე ტერიტორიები მუშავდება. აღნიშნული ღონისძიება პრევენციულ ხასიათს ატარებს და სტიქიის შემდეგ ინფექციის შესაძლო გავრცელების თავიდან აცილების მიზნით ტარდება.

სოფლის მეურნეობის სამინისტროში აცხადებენ, რომ სპეციალისტების განმარტებით კორსოლინი აბსოლუტურად უსაფრთხოა როგორც ადამიანების ჯანმრთელობისთვის, ასევე გარემოსთვის. იგი ფართოდ გამოიყენება მსოფლიოში სხვადასხვა დანიშნულებით, მათ შორის სტიქიის სალიკვიდაციო ღონისძიებების დროს.

სადეზინფექციო სამუშაოების მიმდინარეობას, სოფლის მეურნეობის მინისტრთან ერთად, სურსათის ეროვნული სააგენტოს უფროსი ზაზა დოლიძე და სამინისტროს წარმომადგენლები და სპეციალისტები ესწრებოდნენ.

გარდა ამისა, სოფლის მეურნეობის სამინისტროს სურსათის ეროვნული სააგენტოს ვეტერინარებისმიერ ბიოუსაფრთხოების რისკის შემცირების მიზნით, ზოოპარკის შესასვლელთან სადეზინფექციო ბარიერი მოეწყო. სააგენტოს სპეციალისტები ზედამხედველობას ახორციელებენ სტიქიის შედეგად დახოცილი ცხოველების ლეშისა და გაფუჭებული ხორცპროდუქტების განადგურებაზე. ზოოპარკისა და ძაღლების თავშესაფრის მიმდებარე ტერიტორიებიდან ამოღებული ცხოველების ლეშის დამარხვა თბილისის მყარი ნარჩენების პოლიგონზე, ვეტერინარულ-სანიტარიული წესების სრული დაცვით ხდება. ლეში ნადგურდება ასევე სპეციალურ ინსინერატორში (წვის ღუმელი, რომელშიც მაღალი ტემპერატურის ზემოქმედებით ხდება ცხოველთა ლეშისა და სხვა ბიოლოგიური ნარჩენების განადგურება). დღეის მდგომარეობით, სურსათის ეროვნული სააგენტოს სპეციალისტების ზედამხედველობით დამარხული და განადგურებულია 78 ცხოველის ლეში. სააგენტოს სპეციალისტების ზედამხედველობით ვაკის ხორცპროდუქტების საწარმოდან გატანილია და თბილისის მყარი ნარჩენების პოლიგონზე განადგურებულია 41 ტონამდე მავნებლად მიჩნეული მზა სურსათი და ნედლეული.

გასული ღამის განმავლობაში, სტიქიის შედეგების სალიკვიდაციო სამუშაოებში კვლავ აქტიურად იყო ჩართული სოფლის მეურნეობის სამინისტროს "საქართველოს მელიორაციის" 12 ერთეული სპეცტექნიკა და კომპანიის 20-მდე თანამშრომელი. ტერიოტრიიდან 1090 მ3-მდე ნატანი მასის გატანა განხორციელდა.

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 22.10.2020
რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
3-მილიარდიანი ინვესტიცია დედაქალაქის ცენტრში - Tbilisi Hills Golf & Residences ინოვაციური განვითარების ხედვით
ინოვაციური მომსახურება სამშენებლო სფეროში
მერაბ ჭიქაშვილი - "ხელისუფლებამ უნდა გაიგოს, რომ "ნაციონალური მოძრაობის" რეანიმაცია და გადარჩენა არ მოხდება!" (R)
თომა ხაბეიშვილი - "პატრიოტთა ალიანსი" პირველი პარტიაა, რომელიც  გამარჯვებისკენ სწორი ხედვებით მიისწრაფვის!" (R)
არჩილ ბენიძე - "ამომრჩეველზე სხვადასხვა სახის ფსიქოლოგიური ზეწოლა მიმდინარეობს!" (R)
ლიბერთი #გულით და Lingwing-ის ერთობლივი პროექტი
გიგანტური კერამიკული ფილები (R)
სამსუნგის The Serif ტელევიზორი საქართველოში უკვე იყიდება
მოიპოვე მსოფლიოში ყველაზე მოთხოვნადი მინერალები საქართველოში
eutoday - ყარაბაღის კონფლიქტი - ბრძოლა საერთაშორისო სამართლისთვის და არა რელიგიისთვის