ილია მეორე - ამ დღეებმა გვაუწყა, რომ ძალა მართლაც ერთობაში ყოფილა

სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ საქართველოს საპატრიარქოს კრწანისის პარკში 13 ივნისის სტიქიის შედეგად დაზარალებული ოჯახები და ბავშვები დალოცა. პატრიარქმა მათ სიტყვითაც მიმართა.

როგორც ილია მეორემ ბრძანა, საქართველოს გამოუვლია მძიმე დღეები. "ისტორია გვეუბნება ჩვენ, რომ მძიმე დღეები ყოფილა საქართველოში, თუნდაც ჯალალ ედ დინის შემოსევის დროს, როდესაც ააოხრეს თბილისი, ქართველი ხალხი არ გაუტეხია მტერსაც. მტერს უნდოდა ქართველი ადამიანის ხერხემალში გადატეხა, მაგრამ ეს ვერ შეძლო", - აღნიშნა პატრიარქმა.

მისივე თქმით, ბუნებრივი მოვლენა, რომელიც მოხდა, შესაძლებელია დაიძლიოს შრომით და ერთობით. "ამ დღეებმა გვაუწყეს ჩვენ, რომ ძალა მართლაც ერთობაში ყოფილა", - განაცხადა პატრიარქმა.

მისივე თქმით, ის მადლობელია უფლის, რომ ქართველ ერს ერთად ყოფნის ძალა მისცა და უფალმა აკურთხა ჩვენი ერი. პატრიარქმა დალოცა კრწანისის პარკში მყოფი ადამიანები და სრულიად საქართველო. "არ შეგეშინდეთ, ჩვენთან არს ღმერთი!", - ბრძანა პატრიარქმა.

დღესვე სტიქიით დაზარალებულებს სასულიერო პირებმა ზეთი აცხეს და საჩუქრად ხატები და ჯვრები გადასცეს. დაზარალებულებს ასევე გადაეცათ სხვადასხვა სახის ტკბილეული.

კრწანისის პარკში მთელი დღის განმავლობაში საკრებულოს განათლებისა და კულტურის კომისიის თავმჯდომარის, თამარ ტალიაშვილის და საპატრიარქოსთან არსებული ახალგაზრდული მოძრაობა "დავითიანნის" ორგანიზებით თბილისში მომხდარი სტიქიის შედეგად დაზარალებული ოჯახებისა და მათი ბავშვებისთვის სხვადასხვა გასართობი ღონისძიებები მოეწყო. ღონისძიებას დაესწრო საკრებულოს თავმჯდომარე გიორგი ალიბეგაშვილი.

იხილეთ ბმული: პატრიარქმა სტიქიით დაზარალებული ოჯახები და ბავშვები დალოცა

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 21.10.2020
რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
კახა ძაგანია - "პატრიოტთა ალიანსმა" ხელისუფლებისგან ხმის მიცემის საათების გაზრდა მოითხოვა"
მერაბ ჭიქაშვილი - "ხელისუფლება კორონას ფსიქოლოგიურ იარაღად იყენებს!"
ნანა დევდარიანი - "31 ოქტომბერს ხალხი "ნაციონალურ მოძრაობასაც" და "ქართულ ოცნებასაც" ყველაფრისთვის  დასჯის!"
ევექსი კლინიკები მომხმარებლების უსაფრთხოებისთვის COVID 19-ის PCR ტესტირების პროცესს ცვლის
ირმა ინაშვილი - "ქართული ოცნება" კოვიდ ეპიდემიის თემას ოსტატურად იყენებს და თავის ნაცვლად ექიმებს ალაპარაკებს!" (R)
სოსო შატბერაშვილი - "თუ გსურთ შერიგება ოსებთან და აფხაზებთან - მხარი "პატრიოტთა ალიანსს" დაუჭირეთ!" (R)
გურამ ნიკოლაიშვილი: ვეტერანთა უფლებებს მხოლოდ "პატრიოტთა ალიანსი"დაიცავს! (R)