გლდანის მე-6 მიკრორაიონის #2 კორპუსში მაშველები კიდევ ორ ადამიანს ეძებენ. ამის შესახებ "ინტერპრესნიუსს" ადგილობრივებმა განუცხადეს.
არსებული ინფორმაციით, აღნიშნული ორი პირი აფეთქების შედეგად ჩამოშლილი კედლების ნანგრევებში მოჰყვა.
როგორც ცნობილია, ამ დროისთვის დადასტურებული ცნობით, შემთხვევას 2 ადამიანი ემსხვერპლა, 4 პირი კი სხვადასხვა დაზიანებით საავადმყოფოშია გადაყვანილი.
შემთხვევის ადგილზე ცოტა ხანში თბილისის მერს, დავით ნარმანიას ელოდებიან.
