გლდანის მე-6 მიკრორაიონის მე-2 კორპუსის მცხოვრებლები სასტუმროებში გადაჰყავთ

გლდანის მე-6 მიკრორაიონის მე-2 კორპუსის მცხოვრებლები ამ წუთებში სასტუმროებში გადაჰყავთ. როგორც ჟურნალისტებს გლდანის გამგებელმა ბესიკ ქარცივაძემ განუცხადა, სასტუმროში გადადის კორპუსის მე-4 სადარბაზოში მცხოვრები 27 ოჯახი სრულად და მე-3 სადარბაზოს მცხოვრებლების ნაწილი. რაც შეეხება დანარჩენ სადარბაზოებს, გამგებლის ინფორმაციით, მათი მობინადრეების გაყვანა მოხდება იმ შემთხვევაში, თუკი ექსპერტები ჩათვლიან, რომ კორპუსში აღნიშნული მცხოვრებლების დარჩენა, შესაძლოა, საფრთხეს შეიცავდეს.

"მერიის სამსახურები და გამგეობა უკვე მუშაობს ადგილობრივების დაბინავების მიმართულებით. ისინი სასტუმროებში იქნებიან გადაყვანილი, მერე კი უკვე ბინის ქირის უზრუნველყოფით მოხდება მათი სხვაგან გადაყვანა", - აღნიშნა გლდანის გამგებელმა.

რაც შეეხება შენობის მდგრადობას, მისი ინფორმაციით, მთლიანად ჩანგრეულია კორპუსის მეოთხე სადარბაზოს მე-4, მე-5 და მე-6 სართულების შიდა სივრცე.

"ძალიან რთულია კონსტრქუციული ნაწილი, რადგან მძიმე დაზიანებებია. ექსპერტების დასკვნის საფუძველზე გადაწყდება, მოხდება რაიმეს დემონტაჟი თუ არა. ყოველ შემთხვევაში, ბჯენების წინა და უკანა ფასადი დაძრულია და გადმოხრილია დაახლოებით 30-40 სანტიმეტრით", - აღნიშნა ბესიკ ქარცივაძემ.

ნანა ჩაჩუა - ისეთ ცნებებთან და გრძნობებთან, როგორიცაა  სამშობლო და ღმერთი, პოლიტიკოსები ჯამბაზობენ და ამ მგრძნობიარე ინსტრუმენტებით ჯამბაზებივით ცდილობენ მანიპულირებას
ქართული პრესის მიმოხილვა 14.10.2019
ზაზა ფირალიშვილი - არჩევნებამდე ერთი წლით ადრე შიდა პოლიტიკაში ვითარება რთულია ხელისუფლებისათვის და არანაკლებად რთულია ოპოზიციისათვის