ენერგეტიკის მინისტრის მოადგილე ვარაუდობს, რომ თბილისში ელექტროენერგიაზე სუბსიდირების აუცილებლობა დადგება

ენერგეტიკის მინისტრის მოადგილე მარიამ ვალიშვილი ფიქრობს, რომ თბილისში ელექტროენერგიაზე სუბსიდირების აუცილებლობა დადგება.

ამის შესახებ მარიამ ვალიშვილმა ჟურნალისტებს განუცხადა, როდესაც უპასუხა კითხვას სუბსიდირების რა მონახაზზეა საუბარი თბილისთან დაკავშირებით, იმ შემთხვევაში თუ ტარიფი გაიზრდება.

"როგორც თქვენთვის ცნობილია, მიმდინარეობს სემეკ-ის სხდომა. საბოლოო შედეგი ჩემთვისაც უცნობია, თუმცა გარკვეული კომპონენტების დეტალური განხილვა ამ კვირების განმავლობაში მიდიოდა და ბუნებრივია, წარმოდგენა გვაქვს თუ რაზე შეიძლება იყოს საუბარი. მაგრამ საბოლოო გადაწყვეტილებას ჩვენ მოვისმენთ მას შემდეგ რაც კომისია გამოაცხადებს ტარიფის შესახებ კორექტირების საბოლოო შედეგს. ბუნებრივია, სუბსიდირების სქემის აუცილებლობა, მე ვფიქრობ, რომ დადგება ისევე როგორც "ენერგო პროს" შემთხვევაში. მე დარმწუნებული ვარ, დიდად განსხვავებული არ იქნება არც ეს და ალბათ, იდენტური გადაწყვეტილება იქნება მიღებული თბილისის შემთხვევაშიც", - განაცხადა მარიამ ვალიშვილმა.

მისივე თქმით, ეს არის სუბსიდირება სოციალურად დაუცველი მოსახლეობისთვის, რომელთაც არ მოუწევთ დამატებითი ღირებულების გადახდა.

"ანუ გარკვეულ სეგმენტს ჩვენი მოსახლეობის, ეს ტარიფის ზრდა თუ იგივე მოხდება "თელასის" შემთხვევაში, არ შეეხება", - აღნიშნა ვალიშვილმა.

ნათია თურნავა - ყველა წინაპირობაა, რომ 2021 წელი წარმატებული წელი იყოს
ქართული პრესის მიმოხილვა 22.05.2020
ზაალ ანჯაფარიძე - საკონსტიტუციო პროცესის ბოიკოტირება ოპოზიციას პოლიტიკურად დააზიანებს და გააძლიერებს განცდას, რომ ისინი არჩევნებისთვის კი არა, არაკონსტიტუციური ქმედებისთვის ემზადებიან
რატომ არ უნდა დავუბრუნდეთ ძველ “ნორმალურ” ცხოვრებას
Wolt - კვლავ ღამის 3 საათამდე