"თელასის" წარმომადგენელი აცხადებს, რომ ზამთარში გრაფიკი მოსალოდნელი არ არის

დღეს დადგენილი ტარიფი არის მინიმუმი, რაც საშუალებას მოგვცემს, რომ ზამთარი ნორმალურად, ყოველგვარი ექსცესების გარეშე გადავიტანოთ , - ამის შესახებ ჟურნალისტებს კომპანია "თელასის" კომერციული დირექტორის მოადგილემ, მიშა ანთაძემ განუცხადა.

როგორც ანთაძემ აღნიშნა, მომხმარებლებისთვის ტარიფი გაიზარდა, თუმცა სამომხმარებლო ტარიფში "თელასის" განაწილების წილი შემცირდა დაახლოებით 3 თეთრით, რაც, ანთაძის თქმით, კომპანიისთვის მძიმე იქნება.

"ჩვენ საბოლოო ანალიზი და შეფასება არ გაგვიკეთებია, რადგან რამდენიმე წუთის წინ ვიხილეთ საბოლოო ტარიფები, მაგრამ შესყიდვის ტარიფის კომპონენტის შემოთავაზებული ვარიანტი საშუალებას გვაძლევს ვთქვათ, რომ ეს არის მინიმუმი, რაც მოგვცემს საშუალებას, ზამთარი ნორმალურად გადავიტანოთ, ყოველგვარი ექსცესების გარეშე. რაც შეეხება "თელასის" წილის შემცირებას, კიდევ ერთხელ ვამბობ, რომ ეს კომპანიისთვის სერიოზული პრობლემაა. გავაანალიზებთ სიტუაციას, გავაგრძელებთ მუშაობას მარეგულირებელ კომისიასთან და გამოვთქვამთ იმედს, რომ საბოლოო ჯამში იმ შედეგს მივიღებთ, რაც ჩვენთვისაც, კომისიისთვისაც და რაც მთავარია, მომხმარებლისთვის მისაღები იქნება", - განაცხადა მიშა ანთაძემ.

კითხვაზე, ხომ არ ელოდება დედაქალაქის მოსახლეობას გრაფიკი, "თელასის" წარმომადგენელმა აღნიშნა, რომ გრაფიკს არ უნდა ველოდოთ.

მისივე თქმით, დენის ახალი ტარიფი გამოქვეყნებიდან ამოქმედდება და ძალაშია 2016 წლის 31 დეკემბრამდე.

კითხვაზე, კვლავ გეგმავს თუ არა კომპანია "თელასი" სატარიფო განაცხადით მიმართოს სემეკ-ს, მიშა ანთაძემ განმეორებითი მიმართვა არ გამორიცხა.

"თუ ეკონომიკური მდგომარეობა, ვალუტის კურსი შეიცვალა, შეიცვალა ხარჯების შემადგენელი ნაწილები, როგორც ეს აპრილსა და მაისში მოხდა, ჩვენ ამას არ გამოვრიცხავთ", - განაცხადა ანთაძემ.

საქართველოს ენერგეტიკისა და წყალმომარაგების მარეგულირებელი ეროვნული კომისიის დღევანდელი გადაწყვეტილების მიხედვით, დღგ-ს ჩათვლით, 101 კვტსთ-ის ჩათვლით დენის ფასი 9.480 თეთრი/კვტსთ ნაცვლად, იქნება 12.980 თ/კვტსთ; 101 კვტსთ-დან 301 კვტსთ-ის ჩათვლით, 12.461 თეთრი/კვტსთ ნაცვლად, ფასი იქნება 16.992 თ/კვტსთ; 301 კვტსთ-დან და მეტი - 17.698 თეთრი/კვტსთ ნაცვლად, 21.476 თ/კვტსთ.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ეკა ლეკაშვილი - ხელისუფლებამაც და საზოგადოების ნაწილმა ისწავლა კოვიდ ინფექციასთან თანაცხოვრება
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
თბილისს უახლოეს ხანში ძველი თბილისის შთაგონებით შექმნილი გასტრონომიული დუქანი "რიგი" შეემატება
„ევრონიუს ჯორჯია“ ქართულენოვანი მაუწყებლობის დაწყებას აღნიშნავს
გაეროს მსოფლიო ტურიზმის ორგანიზაციის TEDQUAL სერტიფიკატის გადაცემის ცერემონიალი კავკასიის უნივერსიტეტში
Mastercard-სა და საქართველოს ტურიზმის ეროვნულ ადმინისტრაციას შორის ურთიერთთანამშრომლობის მემორანდუმი გაფორმდა
ხელოვნური ინტელექტი ევრაზიაში – ბიზნესისა და ტექნოლოგიების უნივერსიტეტის პანელი თბილისში ჩატარებულ საერთაშორისო ფორუმზე
BTU-ს „ინიციატივა 5.0” და უმნიშვნელოვანესი პროექტები, რომელიც საქართველოში ციფრული ეკონომიკის გაძლიერებას ისახავს მიზნად
Samsung The Sero - ტელევიზორი, რომელიც ბრუნავს იმისთვის, რომ შენს სმარტფონს მოერგოს