კახა ძაგანია - სემეკის გადაწყვეტილება საბოტაჟური იყო

სემეკი-ს გადაწყვეტილება იყო საბოტაჟური, რომელიც მომხმარებელს მძიმე ხარკად დააწვება, - ამის შესახებ ენერგეტიკისა და წყალმომარაგების მარეგულირებელი კომისიის დღევანდელი სხდომის დასრულების შემდეგ "მემარცხენე ალიანსის" წარმომადგენელმა კახა ძაგანიამ განაცხადა.

კახა ძაგანიამ დედაქალაქისთვის დენის ტარიფის ზრდის გადაწყვეტილებას კატასტროფული უწოდა. მისი თქმით, ეს აუცილებლად აისახება საქართველოს პოლიტიკურ ცხოვრებაზე და სამწუხაროდ არა დადებით კონტექსტში.

"შემოდგმაზე ის პოლიტიკური ძალები, რომლებიც ცდილობენ არეულობის მოწყობას, ნამდვილად დაეყრდნობიან სემეკ-ის ამ გადაწყვეტილებას. ვფიქრობ, რომ დღეს სემეკ-ის გადაწყვეტილება იყო საბოტაჟური, რომელიც მძიმე ხარკად დააწვება მომხმარებელს. სამწუხაროდ ეს გადასახადი სახელმწიფოს ერთიანობისა და სიძლიერისთვის არ იქნება ძალიან წამახალისებელი და შედეგიანი", - განაცხადა კახა ძაგანიამ.

დღევანდელ სხდომას ესწრებოდა "ქართული დასის" ლიდერი ჯონდი ბაღათურიაც, რომელმაც სემეკ-ის გადაწყვეტილებას უსამართლო და უკანონო უწოდა. ბაღათურია მიიჩნევს, რომ ხალხი ქუჩაში უნდა გამოვიდეს და ტარიფების შემცირება ითხოვოს.

"მიწიდან ამოვიღებთ და ყველა პასუხს აგებს კანონისა და სამართლის წინაშე. ეს უნდა იცოდეს ყველა კორუმპირებულმა მაღალჩინოსანმა, ვინც ხელი შეუწყო ტარიფის გაზრდას", - განაცხადა ბაღათურიამ.

ნათია თურნავა - ყველა წინაპირობაა, რომ 2021 წელი წარმატებული წელი იყოს
ქართული პრესის მიმოხილვა 22.05.2020
ზაალ ანჯაფარიძე - საკონსტიტუციო პროცესის ბოიკოტირება ოპოზიციას პოლიტიკურად დააზიანებს და გააძლიერებს განცდას, რომ ისინი არჩევნებისთვის კი არა, არაკონსტიტუციური ქმედებისთვის ემზადებიან
რატომ არ უნდა დავუბრუნდეთ ძველ “ნორმალურ” ცხოვრებას
Wolt - კვლავ ღამის 3 საათამდე