თბილისში დენის გაძვირების დადგენილება ძალაში   შევიდა

თბილისში ელექტროენერგიის ახალი სამომხმარებლო ტარიფი ძალაში შევიდა. გაზრდილი ფასების შესახებ სემეკ-ის დადგენილება "საკანონმდებლო მაცნეში"  გამოქვეყნდა.

სემეკ-ის დადგენილების მიხედვით, დღგ-ს ჩათვლით, 101 კვტსთ-ის ჩათვლით დენის ფასი 9.480 თეთრი/კვტსთ ნაცვლად, იქნება 12.980 თ/კვტსთ; 101 კვტსთ-დან 301 კვტსთ-ის ჩათვლით, 12.461 თეთრი/კვტსთ ნაცვლად, ფასი იქნება 16.992 თ/კვტსთ; 301 კვტსთ-დან და მეტი - 17.698 თეთრი/კვტსთ ნაცვლად, 21.476 თ/კვტსთ.

აქედან გამომდინარე, პირველ საფეხურზე მატება არის 3.5 თეთრი, მეორე მეორე საფეხურზე - 4.53 თეთრი, მესამე საფეხურზე - 3.79 თეთრი.

ახალი ტარიფის დადგენის მიზნით, "თელასმა" კომისიას მიმდინარე წლის 23 ივლისს მიმართა. კომპანიამ სატარიფო განაცხადის წარდგენის მთავარ საფუძვლად აშშ დოლართან მიმართებაში ეროვნული ვალუტის გაცვლითი კურსის არსებითი ცვლილება, შესასყიდი ელექტროენერგიის გაზრდილი ფასი და ელექტროენერგიის გადაცემის ტარიფის ზრდა დაასახელა.

სემეკ-მა დენის გაძვირების გადაწყვეტილება 3 სექტემბერს მიიღო, დადგენილება კი, 5 სექტემბერს გამოქვეყნდა.

ნათია თურნავა - ყველა წინაპირობაა, რომ 2021 წელი წარმატებული წელი იყოს
ქართული პრესის მიმოხილვა 22.05.2020
ზაალ ანჯაფარიძე - საკონსტიტუციო პროცესის ბოიკოტირება ოპოზიციას პოლიტიკურად დააზიანებს და გააძლიერებს განცდას, რომ ისინი არჩევნებისთვის კი არა, არაკონსტიტუციური ქმედებისთვის ემზადებიან
რატომ არ უნდა დავუბრუნდეთ ძველ “ნორმალურ” ცხოვრებას
Wolt - კვლავ ღამის 3 საათამდე