რაც მე ვერ მოვახერხე ფეხბურთში, ჩემი შვილი გააკეთებს, - ამის შესახებ რევაზ არველაძემ საქართველოს ფეხბურთის ფედერაციის პრეზიდენტის არჩევნების შემდეგ, გულშემატკივართან გამოსვლისას განაცხადა.

არველაძეს მხარდამჭერები ოვაციებით შეხვდნენ. ამასთან, შენობიდან გასვლის შემდეგ მან იხუმრა და წვიმიანი ამინდის გამო მცირე რეპლიკა გააკეთა - "ტირის ბუნება", - აღნიშნა არველაძემ, რომელმაც "ჰოლიდეი ინნ"-ი ძმასთან და ოჯახის წევრებთან ერთად დატოვა.

საქართველოს ფეხბურთის ფედერაციის პრეზიდენტად ლევან კობიაშვილი 3 ოქტომბერს აირჩიეს. ფეხბურთის ფედერაციის ყრილობის 33 დელეგატიდან მან 18 ხმა მიიღო, რევაზ არველაძემ – 15.