ეს ჩემი კი არა, ფეხბურთის გამარჯვებაა, - ამის შესახებ ფეხბურთის ფედერაციის პრეზიდენტმა ლევან კობიაშვილმა გამარჯვების შემდეგ გულშემატკივართან გამოსვლის დროს განაცხადა.

კობიაშვილმა გულშემატკივრებს მადლობა გადაუხადა და აღნიშნა, რომ მისთვის ემოციური დღეა.

ლევან კობიაშვილი გულშემატკივრებს შეხვდა, მცირე ხნით გაესაუბრა და შემდეგ სასტუმრო "ჰოლიდეი ინნ"-ის მეორე სართულზე აბრუნდა. მისი გულშემატკივრები ამ დრომდე რჩებიან სასტუმროს ფოიეში და კობიაშვილს გამარჯვებას ოვაციებით ულოცავენ.