უკრაინის აღმოსავლეთში ვითარების ესკალაცია ფიქსირდება, სამხედროები მზად არიან, საპასუხო სროლა დაიწყონ. როგორც "ინტერფაქს უკრაინა" იტყობინება, ეს განცხადება უკრაინის პრეზიდენტმა პეტრო პოროშენკომ გააკეთა.
"ჩვენ ვხედავთ ვითარების ესკალაციას უკრაინის აღმოსავლეთში. ჩემი განკარგულებით, თუ ჩვენი სამხედროების, ჩვენი მეომრების, გმირების სიცოცხლეს საფრთხე შეექმნა, უფლება აქვთ საპასუხო ცეცხლი გახსნან", - განაცხადა პოროშენკომ ჟურნალისტებთან საუბარში.
მისივე ინფორმაციით, ბოლო პერიოდში უკრაინელმა სამხედროებმა "ბოევიკთა" 4 სადაზვერო-დივერსიული ჯგუფი გაანადგურეს. ლიკვიდირებულ მებრძოლებს რუსეთის მოქალაქეობის დამადასტურებელი დოუმენტები ჰქონდათ.