პროკურორის განცხადებით, ბესიკ ხარძიანის მკვლელობის იარაღი კუსტარულად არის დამზადებული

საქართველოს მთავარი პროკურორის პირველი მოადგილის, მამუკა ვასაძის განცხადებით, ბიზნესმენ ბესიკ ხარძიანის მკვლელობის იარაღი ექსპერტიზის დასკვნით კუსტარულად არის დამზადებული.

როგორც მამუკა ვასაძემ ტელეკომპანია "იბერიას" გადაცემა "პრიორიტეტში" საუბრისას განაცხადა, იარაღი საქართველოშია მოპოვებული და ბრალდებულებს ის საზღვარზე არ შემოუტანიათ.

"იარაღი საქართველოშია მოპოვებული, ექსპერტიზის დასკვნით ის არის კუსტარულად დამზადებული. ლულა, რომლიდანაც გასროლა განხორციელდა კუსტარულად არის დამონტაჟებული იარაღზე. საქმეში არსებული მტკიცებებითაც დადგინდა, რომ მაყუჩი, რომელიც იარაღზე იყო დამონტაჟებული, ასევე კუსტარული წესით არის დამზადებული. იარაღი ცეცხლსასროლი არ იყო, თუმცა ლულის შეცვლით და შესაბამისი ჩარევით, მისი ცეცხლსასროლ იარაღად გადაკეთება მოხდა", - აღნიშნა მამუკა ვასაძემ.

მთავარი პროკურორის პირველი მოადგილის ინფორმაციით, თბილისში, საბურთალოზე, ბრალდებული პირების მიერ ნაქირავებ ბინაში ჩხრეკის შედეგად ამოღებულია შესაბამისი ხელსაწყოები, რომელიც გამოყენებული იქნებოდა ამ იარაღის გადაკეთებისთვის.

მისივე ცნობით, საქმესთან დაკავშირებით საქართველოს მთავარი პროკურატურა საერთაშორისო ორგანიზაციებთან, ინტერპოლთან, უცხო ქვეყნის შესაბამის სამსახურებთან მუშაობს. "გვაქვს იმედი, რომ ისინი დაისჯებიან და პასუხს აგებენ ქართული კანონმდებლობით ქართული მართლმსაჯულების წინაშე", - დასძინა ვასაძემ.

მთავარმა პროკურატურამ ბიზნესმენ ბესო ხარძიანის მკვლელობის საქმე გახსნა. როგორც უწყებაში გამართულ საგანგებო ბრიფინგზე აღინიშნა, ხარძიანის მკვლელობაში მხილებულნი არიან: უკრაინის მოქალაქე, 1985 წლის 29 მაისს დაბადებული ოლეკსანდრ დამეტოვი და რუსეთის ფედერაციის მოქალაქე, 1973 წლის 4 სექტემბერს დაბადებული ოლეგ დოევი.

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
ინოვაციური მომსახურება სამშენებლო სფეროში
მერაბ ჭიქაშვილი - "ხელისუფლებამ უნდა გაიგოს, რომ "ნაციონალური მოძრაობის" რეანიმაცია და გადარჩენა არ მოხდება!" (R)
თომა ხაბეიშვილი - "პატრიოტთა ალიანსი" პირველი პარტიაა, რომელიც  გამარჯვებისკენ სწორი ხედვებით მიისწრაფვის!" (R)
არჩილ ბენიძე - "ამომრჩეველზე სხვადასხვა სახის ფსიქოლოგიური ზეწოლა მიმდინარეობს!" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)
ლიბერთი #გულით და Lingwing-ის ერთობლივი პროექტი
გიგანტური კერამიკული ფილები (R)
სამსუნგის The Serif ტელევიზორი საქართველოში უკვე იყიდება
მოიპოვე მსოფლიოში ყველაზე მოთხოვნადი მინერალები საქართველოში
eutoday - ყარაბაღის კონფლიქტი - ბრძოლა საერთაშორისო სამართლისთვის და არა რელიგიისთვის