ე.წ. კორტების საქმის პროკურორი დაცვის მხარეს საქმის განხილვის შეგნებულად გაჭიანურებაში ადანაშაულებს

ე.წ. კორტების საქმის პროკურორი ამირან გულუაშვილი დაცვის მხარეს საქმის განხილვის შეგნებულად გაჭიანურებაში ადანაშაულებს.

როგორც სააპელაციო სასამართლოში დაცვის მხარის შუამდგომლობის საფუძველზე პროცესის გადადების შემდეგ პროკურორმა განაცხადა, სხდომის გადადების მოტივად ადვოკატ მალხაზ ველიჯანაშვილის ავადმყოფობა დასახელდა, თუმცა ამირან გულუაშვილის თქმით, ამის დამადასტურებელი დოკუმენტი სასამართლოს არ გააჩნია.

"სასამართლომ გადადო პროცესი იმ მოტივით, რომ არ გამოცხადდნენ ბრალდებულები გიორგი ცააძე და ლევან ბეროძე, ასევე ფირცხალავას ადვოკატი მალხაზ ველიჯანაშვილი. ადვოკატმა მიმართა განცხადებით სასამართლოს, მისი გამოუცხადებლობის მიზეზად კი დასახელდა ჯანმრთელობის მდგომარეობა. თუმცა დოკუმენტი არ არის წარმოდგენილი, რომ ველიჯანაშვილს ჯანმრთელობის პრობლემები გააჩნია. ამის შესახებ ბრალდების მხარის ინფორმირება არ მომხდარა. მიგვაჩნია, რომ მსგავსი ქმედებები მიზნად ემსახურება, რომ მხოლოდ და მხოლოდ სასამართლო განხილვის გაჭიანურებას", - განაცხადა ამირან გულუაშვილმა.

მოსამართლემ დააკმაყოფილა დაცვის მხარის შუამდგომლობა და პროცესი გადადო.

შემდეგი ხსდომა ე.წ. კორტების სპეცოპერაციის საქმეზე სააპელაციო სასამართლოში 12 თებერვალს, 15:00 საათზე ჩატარდება.

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 15.07.2024
მეხუთე თაობის „სანტა ფე“ - მზად ნებისმიერი თავგადასავლისთვის