"საქართველოს ხმის" დამფუძნებლის, ბიძინა კუჭავას ოჯახი და ადვოკატები შინაგან საქმეთა მინისტრის მოადგილის, არჩილ თალაკვაძის წინააღმდეგ სამოქალაქო სარჩელს სასამართლოში მიმდინარე კვირას შეიტანენ.
როგორც "ინტერპრესნიუსს" კუჭავას ოჯახის ადვოკატმა, ნათია კორკოტაძემ განუცხადა, სასარჩელო მოთხოვნაა, უწყებამ ოჯახს გამოძიების დასრულებამდე "ცილისმწამებლური განცხადებებისთვის" ბოდიში მოუხადოს.
"საუბარია არჩილ თალაკვაძის სატელევიზიო გამოსვლაზე, სადაც მინისტრის მოადგილემ ბიძინა კუჭავა ზუგდიდელი პროკურორის, პაატა ქირიას მკვლელად მოიხსენია", - განაცხადა კორკოტაძემ.
როგორც ცნობილია, რამდენიმე დღის წინ, შს მინისტრის მოადგილე, არჩილ თალაკვაძემ განაცხადა, რომ "ბიძინა კუჭავა არის პროკურორ ვახტანგ ქირიას მკვლელი, რაც პრაქტიკულად უკვე დადგენილია".