იური ვაზაგაშვილის საქმის მოწმე გაურკვეველ ვითარებაში გარდაიცვალა, - ამის შესახებ "ინტერპრესნიუსს" ე.წ. კორტების სპეცოპერაციის საქმეზე მსჯავრდებულის, გიორგი ცააძის დამ, ირინა ცააძემ განუცხადა.
მისი თქმით, აღნიშნული მოწმე ქალბატონი იყო, რომელიც სოფელ ყალაფილაში, ვაზაგაშვილის აფეთქების ადგილას, კერძოდ სასაფლაოზე დამლაგებლად მუშაობდა.
ცააძის ინფორმაციით, მოწმე ”არ იყო მოხუცი და არ ავადმყოფობდა”.
"მისი გარდაცვალების დეტალებს ვაზუსტებთ. ჩვენთვის ცნობილია, რომ ის გაურკვეველ ვითარებაში გარდაიცვალა", - განაცხადა ირინა ცააძემ.
იური ვაზაგაშვილი 2015 წლის 20 იანვარს, კასპის რაიონის სოფელ ყარაფილაში, შვილის საფლავზე ააფეთქეს.