ყარაფილას მცხოვრებლების ინფორმაციით, ირინა გიგოლაშვილი, რომელიც იური ვაზაგაშვილის საქმის ერთ-ერთი მოწმე იყო, გრიპის ვირუსით გარდაიცვალა.
როგორც "ინტერპრესნიუსს" ადგილობრივებმა განუცხადეს, გიგოლაშვილი რამდენიმე დღის წინ დაიღუპა.
"ირინას გრიპის ვირუსი ჰქონდა. რამდეჯერმე სასწრაფოც გამოიძახა, თუმცა თავდაპირველად საავადმყოფოში გადაყვანაზე უარი უთხრეს, რადგან უქმე დღეები იყო, თუმცა შემდეგ, როცა ვითარება დამძიმდა, ის კლინიკაში მოათავსეს. კრიტიკული მედიცინის განყოფილებაში ორი დღე მკურნალობდნენ, თუმცა, სამწუხაროდ, გარდაიცვალა", - აცხადებენ ყარაფილელები.
მათივე ინფორმაციით, გარდაცვლილი გუშინ დაკრძალეს.
ირინა გიგოლაშვილი იური ვაზაგაშვილის საქმის ერთ-ერთი მოწმე იყო. ე.წ. კორტების საქმეზე მსჯავრდებულის, გიორგი ცააძის დამ, ირინა ცააძემ დღეს გაავრცელა ინფორმაცია, რომლის მიხედვითაც, მოწმე "გაუკრვეველ ვითარებაში" გარდაიცვალა.
იხილეთ ვიდეო: რისგან გარდაიცვალა იური ვაზაგაშვილის საქმის მოწმე?