თბილისის საქალაქო სასამართლოში ბიზნესმენ ბესო ხარძიანის მკვლელობის საქმეზე დღეს არსებითი განხილვა დაიწყება. სხდომა საქალაქო სასამართლოში 13:30 საათს არის ჩანიშნული. საქმის განმხილველი მოსამართლეა ლელა ნოზაძე.

ბესო ხარძიანის საქმეზე არსებითი განხილვა მიმდინარე წლის 3 თებერვალს იყო ჩანიშნული, თუმცა პროცესი იმ მოტივით გადაიდო, რომ მოსამართლე ლელა ნოზაძე სხვა სისხლის სამართლის საქმეზე სათათბიროდ იყო გასული. ბესო ხარძიანის მკვლელობის საქმეზე ბრალდებულია ორი პირი - ოლეგ დოევი და ფარიდ გურბანოვი, რომლებსაც სახაზინო ადვოკატი დაიცავს. არც ერთი მათგანი დაკავებული არ არის. მათზე ძებნაა გამოცხადებული.

ბიზნესმენი ბესო ხარძიანი 28 მარტს საკუთარ სახლთან მოკლეს.