მაია ნიკოლაიშვილი ბიძინა კუჭავას საქმეზე სასამართლო-სამედიცინო ექსპერტიზას დაესწრება

დამოუკიდებელი ექსპერტი მაია ნიკოლაიშვილი ხვალ, სამხარაულის სახელობის ექსპერტიზის ბიუროში ბიძინა კუჭავას საქმეზე სასამართლო-სამედიცინო ექსპერტიზას დაესწრება.

როგორც "ინტერპრესნიუსს" ნიკოლაიშვილმა განუცხადა, მოხდება კუჭავას ფეხზე არსებული ჭრილობიდან აღებული პრეპარატების მიკროსკოპული დათვალიერება, რომელმაც უნდა დაადგინოს, კუჭავას ეს ჭრილობა პროკურორ ქირიას მკვლელობის ღამეს ჰქონდა მიღებული მანამდე, თუ მას შემდეგ.

ნიკოლაიშვილის ინფორმაციით, მიმდინარე კვირაში იგი მიიღებს მონაწილეობას ბიძინა კუჭავას კანისა და პაატა ქირიას ძვლის პრეპარატების ექსპერტიზაში.

მაია ნიკოლაიშვილის ინფორმაციით, ჯერჯერობით არ დადებულა დასკვნები თითის ანაბეჭდებისა და დნმ-ს ნიმუშების თაობაზე.

მაია ნიკოლაიშვილი სამხარაულის სახელობის ექსპერტიზის ბიუროში ხვალ, დღის პირველ ნახევარში მივა.

პარალელურად, კუჭავას ოჯახის ადვოკატი ნათია კორკოტაძე ხვალ ელოდება ქალაქის პროკურატურიდან პასუხს საქმის მასალების გადაცემის თაობაზე.

დამოუკიდებელი ექსპერტი "საქართველოს ხმის" დამფუძნებლის, გარდაცვლილი ბიძინა კუჭავას ოჯახის თხოვნით და პროკურატურის ნებართვით ჩაერთო ექსპერტიზებში.

პროკურორ ვახტანგ (პაატა) ქირიას ცხედარი ქავთარაძეზე, ერთ-ერთ ბინაში აღმოაჩინეს. გამოძიებით დადგინდა, რომ 2016 წლის 13 იანვარს, დაახლოებით, 16:15 საათზე, ვახტანგ ქირია სახლიდან გავიდა და მისი ადგილსამყოფელი რამდენიმე დღის განმავლობაში ოჯახის წევრებისთვის უცნობი იყო. გამორთული იყო მობილური ტელეფონი, არ ჩანდა მისი კუთვნილი ავტომანქანა და ვერ ხერხდებოდა მასთან დაკავშირება.

შსს-ს ცნობით, გატარებული საგამოძიებო და ოპერატიულ-სამძებრო ღონისძიებების შედეგად, ამოღებულ იქნა კვალის ასარევად, ქალაქ რუსთავში გადაგდებული, ვახტანგ ქირიას მობილური ტელეფონი. 16 იანვარს კი, იგი ქავთარაძის ქუჩაზე, ერთ-ერთ ბინაში მოკლული იპოვეს.

შსს-ს ცნობით, ქირია კუჭავამ მოკლა. გამოძიების ინფორმაციით, ბიძინა კუჭავა კი, თბილისში, იუსტიციის სახლთან დავით პოპოვის ავტომობილით გადაადგილდებოდა, რა დროსაც პოლიცია კვალზე იყო გასული. სამართალდამცველების მისვლამდე კი, მან ცეცხლსასროლი იარაღით თავი მოიკლა.

ზაზა ფირალიშვილი - კრემლს ჩვენში ისეთი ძალის გამარჯვება აწყობს, ვინც კონფრონტაციული რიტორიკის ერთგული იქნება, ვერ შეძლებს ქვეყანში დიალოგისა და თანამშრომლობის ატმოსფეროს შექმნას
ქართული პრესის მიმოხილვა 29.10.2020
ანა დოლიძე - მჯერა, რომ უკეთესი საქართველოსთვის ბრძოლას  აქვს აზრი
პარტია „რეფორმერის“ თავმჯდომარე თორნიკე ჯანაშვილი - შევქმენით პრეცენდენტი, თუ როგორ შეიძლება აწარმოო თანამედროვე პოლიტიკური საარჩევნო კამპანია
ჟურნალისტური ეთიკის ქარტიის გადაწყვეტილებით დადგინდა, რომ "მთავარი არხისა" და "TV 1"-ს ჟურნალისტებმა არქის შვილობილ კომპანიასთან მიმართებაში ცრუ ინფორმაცია გაავრცელეს
Colliers International Georgia-მ მტკვრის მარცხენა სანაპიროს უძრავი ქონების ფუნქციური ანალიზი განახორციელა
ნანა დევდარიანი - გაუპატიურების, ძალადობის, ცემის, წამების ამსახველი კადრები არავის დავიწყებია (R)
არჩილ ბენიძე - მწამებლებისა და მკვლელების დასჯა ერთადერთ პარტიას - "პატრიოტთა ალიანსს" შეუძლია (R)
„სილქფესტი“ მომხმარებლებს სასაუბრო და ინტერნეტ პაკეტებზე ულიმიტო პირობებს შესთავაზებს
ექსპოჯორჯია აგრო ექსპორტის ფორუმს, ონლაინ - B2B ფორმატში გამართავს
ირმა ინაშვილი - "ქართული ოცნება" დამნაშავეა იმაში, რომ წლების მანძილზე ხელს აფარებდა დამნაშავეებს (R)
გიორგი ლომია - ციხის კადრებში ნათლად ჩანს, რომ პატიმრების წამებაში მთელი სისტემა იყო ჩართული (R)
ირმა ინაშვილი - "ნაციონალური მოძრაობა" ისტორიას და ფაქტებს ვერ წაშლის, რადგან ხალხს ყველაფერი ახსოვს (R)