თბილისში, კუტუზოვის (გამრეკელი) ქუჩაზე საცხოვრებელი კორპუსის მე-7 სართულიდან გადმოვარდნილი მამაკაცი ადგილზე გარდაიცვალა.

როგორც თვითმხილველები აცხადებენ, შუახნის მამაკაცი მე-7 სართულიდან დაახლოებით, ნახევარი საათის წინ გადმოვარდა.

ადგილზე ამჟამად ექსპერტ-კრიმინალისტები მუშაობენ.

როგორც "ინტერპრესნიუსს" შინაგან საქმეთა სამინისტროში განუცხადეს, გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.