გიორგი ცააძის და - ჩემი ძმა და ირაკლი ფირცხალავა აუცილებლად გათავისუფლდებიან

გიორგი ცააძე და ირაკლი ფირცხალავა აუცილებლად გათავისუფლდებიან, - ამის შესახებ ე.წ. კორტების სპეცოპერაციის საქმეზე ბრალდებულ გიორგი ცააძის დამ, ირინა ცააძემ ჟურნალისტებთან საუბრისას განაცხადა.

როგორც ირინა ცააძემ აღნიშნა, დაცვის მხარემ ყველა მტკიცებულება წარადგინა სასამართლო პროცესზე, რაც მსჯავრდებულების უდანაშაულობას ადასტურებს.

”მე მოგებული მაქვს ბრძოლა და აუცილებლად მოვიგებ ომსაც. გიორგი ცააძე და ირაკლი ფირცხალავა აუცილებლად დატოვებენ საპატიმროს”, - განაცხადა ირინა ცააძემ.

სააპელაციო სასამართლოში ე.წ. კორტების სპეცოპერაციის საქმეზე მოსამართლეთა კოლეგიამ განაჩენი უნდა გამოაცხადოს. კორტების სპეცოპერაციის საქმეზე მსჯავრდებულები არიან ირაკლი ფირცხალავა და გიორგი ცააძე. თბილისის საქალაქო სასამართლომ მათ 12-12 წლიანი პატიმრობა შეუფარდა, რაც დაცვის მხარემ სააპელაციო სასამართლოში გაასაჩივრა.

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 15.07.2024
მეხუთე თაობის „სანტა ფე“ - მზად ნებისმიერი თავგადასავლისთვის