ქუთაისის სააპელაციო სასამართლოში სახელმწიფოს წინააღმდეგ მიმდინარე საგადასახადო დავა კერძო პირის გამარჯვებით დასრულდა
ქუთაისის სააპელაციო სასამართლოში სახელმწიფოს წინააღმდეგ მიმდინარე საგადასახადო დავა კერძო პირის სასარგებლოდ დასრულდა.
როგორც ”ინტერპრესნიუსს” იუსტიციის უმაღლესი საბჭოდან აცნობეს, შპს ,,ჯ.მ“-ს, სსიპ შემოსავლების სამსახურის მიერ 2015 წელს ჩატარებული საგადასახადო შემოწმების შედეგად, სახელმწიფო ბიუჯეტის სასარგებლოდ გადასახდელად 200 მილიონამდე ლარი დაერიცხა, რაც შპს ,,ჯ.მ“-მ სასამართლოში გაასაჩივრა.
სააპელაციო სასამართლომ მიიჩნია, რომ საგადასახადო ორგანომ შპს ,,ჯ.მ“-ის დამატებითი საგადასახადო ვალდებულების განმსაზღვრელი ადმინისტრაციულ-სამართლებრივი აქტები გამოსცა საქმისათვის მნიშვნელობის მქონე გარემოებათა გამოკვლევისა და შეფასების გარეშე, მოქმედი კანონმდებლობის არსებითი დარღვევით.
აქედან გამომდინარე, სასამართლომ ბათილად ცნო მითითებული აქტები და, გადასახადის გადამხდელის უფლებების გათვალისწინებით, საგადასახადო ორგანოს ახალი ადმინისტრაციულ-სამართლებრივი აქტის გამოცემა დაავალა.
v-if="article.gallery" v-html="article.gallery"
