ბორჯომში, მუნიციპალური ტრანსპორტის განრიგი 1 საათით გახანგრძლივდება
ბორჯომში, ტურისტულ სეზონთან დაკავშირებით, მუნიციპალური ტრანსპორტის განრიგი 1 საათით გახანგრძლივდება.
როგორც ”ინტერპრესნიუსს” ბორჯომის მუნიციპალიტეტის გამგეობიდან აცნობეს, ინიციატივა შიდა საქალაქო ტრანსპორტს შეეხება და ის 1-ელი ივლისიდან 1-ელ სექტემბრამდე იმოქმედებს.
გამგებლის განმარტებით, გახანგრძივებული დროით, ქალაქის სტუმრებს ავტობუსები არდაგანის, ლიკანის, ყვიბისისა და ახალი უბნის მიმართულებით მოემსახურებიან.
ცვლილება შეეხება ასევე საკურორტო სოფლების ცემისა და ტიმოთესუბანის ავტობუსების განრიგსაც. აღნიშნულ სოფლებში მუნიციპალური ტრანსპორტი შაბათ დღესაც იმოძრავებს.
გამგებლის თქმით, საკურორტო სეზონზე ტურისტებისა და დამსვენებლის ზრდასთან ერთად, ყოველთვის აქტუალური ხდება ტრანსპორტის მოძრაობა, ინიციატივის მიხედვით, ბორჯომის დამსვენებელს გადაადგილება გვაინობამდე შეეძლება.
v-if="article.gallery" v-html="article.gallery"
