ე.წ. კორტების სპეცოპერაციის საქმეზე მსჯავრდებულ გიორგი ცააძის და საქართველოს პრეზიდენტთან შეხვედრას ითხოვს.

როგორც ირინა ცააძემ ჟურნალისტებთან საუბრისას განაცხადა, მას სურს როგორც პრეზიდენტს, ასევე სხვა პასუხისმგებელ პირებს გააცნოს საქმის მასალები და დაამტკიცოს ის, რომ გიორგი ცააძე და ირაკლი ფირცხალავა სასჯელს უკანონოდ იხდიან.

”მეხუთე დღეა ირაკლი ფირცხალავა და გიორგი ცააძე შიმშილობენ, იმ უკანონობასთან დაკავშირებით, რაც პირველ და მეორე ინსტანციის სასამართლოებმა გამოიტანეს. მეორე ინსტანციამ საერთოდ არ გაითვალისწინა არც სახალხო დამცველის პოზიცია და არც ცრუ მოწმეები საქმეში და პირიქით, დაცვის მხარე დაგვადანაშაულა სასამართლოს შეცდომაში შეყვანაში. მსჯავრდებულები უკვე მეხუთე დღეა შიმშილობენ და არ ვიცი როგორ იქნება მათი ჯანმრთელობის მდგომარეობა”, - განაცხადა ირინა ცააძემ.