ე.წ. კორტების სპეცოპერაციის საქმეზე მსჯავრდებულები ჰოსპიტალიზებაზე უარს ამბობენ

ე.წ. კორტების სპეცოპერაციის საქმეზე მსჯავრდებულები, ირაკლი ფირცხალავა და გიორგი ცააძე ჰოსპიტალიზებაზე უარს ამბობენ. ამის შესახებ "ინტერპრესნიუსს" მსჯავრდებულების ადვოკატმა მალხაზ ველიჯანაშვილმა განუცხადა.

როგორც ველიჯანაშვილმა აღნიშნა, ჯანმრთელობის მდგომარეობის გამო მსჯავრდებულებთან ე.წ. მატროსოვის ციხეში ორჯერ იყო გამოძახებული სასწრაფო დახმარება, რომელთა რეკომენდაციით საჭირო იყო ირაკლი ფირცხალავასა და გიორგი ცააძის ჰოსპიტალიზება. თუმცა, ადვოკატის თქმით, ორივე ჯერზე ფირცხალავამ და ცააძემ საავადმყოფოში გადაყვანაზე უარი განაცხადეს.

ადვოკატის ინფორმაციით, მსჯავრდებულებს შიმშილობის გამო წონაში დაახლოებით 15 კილო აქვთ დაკლებლი და იმდენად სუსტად არიან, რომ წყლის მიღებაც უჭირთ.

მალხაზ ველიჯანაშვილის თქმით, მსჯავრდებულები საქმის მთავრი მოწმეების, 7 სპეცრაზმელის სასამართლოში დაკითხვის წინა დღეს ერთ საკანში მოთავსებაზე გამოძიების დაწყებას და მათი ჩვენებების დაუშვებელ მტკიცებულებად ცნობას ითხოვენ. ადვოკატის თქმით, სპეცრაზმელები ე.წ. კორტების სპეცოპერაციის საქმეზე ბრალდებულები არიან და კანონის თანახმად მათი ერთ საკანში მოთავსება დაუშვებელი იყო. ამასთან, მალხაზ ველიჯანაშვილის თქმით, სასამართლოში დაკითხვამდე ამ ადამიანებს ჩვენებების შეთანხმების საშუალება ჰქონდათ და მათ მიერ მიცემული ჩვენებები ირაკლი ფირცხალავასა და გიორგი ცააძის მიმართ გამოტანილი გამამტყუნებელი განაჩენის მთავარი საფუძველი იყო.

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 15.07.2024
მეხუთე თაობის „სანტა ფე“ - მზად ნებისმიერი თავგადასავლისთვის