გიგი უგულავა - რუსეთისადმი დახმარების თხოვნა ტკივილს შეიცავს - საზოგადოებისთვის ძნელია მიღება, რომ დამხმარე და ქველმოქმედი რუსეთი მოდის და გიქრობს ცეცხლს

რუსეთისადმი დახმარების თხოვნით მიმართვა გარკვეულ ტკივილებს შეიცავს - 10 წლის წინ რუსეთმა ეს ტერიტორია დაბომბა, ამიტომ, საზოგადოებისთვის ძნელია მიღება, რომ დამხმარე და ქველმოქმედი რუსეთი მოდის და გიქრობს ცეცხლს, - ამის შესახებ "ევროპული საქართველოს" ერთ-ერთმა ლიდერმა გიგი უგულავამ ბორჯომის ხანძრის ლიკვიდაციისთვის რუსეთისადმი დახმარების თხოვნით მიმართვის საკითხზე კომენტირებისას განაცხადა.

როგორც გიგი უგულავამ აღნიშნა, საზოგადოების მნიშვნელოვანი ნაწილის გულისწყრომა ამასთან დაკავშირებით არის ლეგიტიმური, ამიტომ ხელისუფლებამ უნდა გაითვალისწინოს ეს და დასახმარებლად მიმართოს მეგობარ, პარტნიორ ქვეყნებს, მაგალითად, თურქეთს, რომელსაც გაცილებით უფრო სწრაფად შეუძლია მობილიზება და დახმარება, თუ დროზე მიმართავ.

გიგი უგულავა "ქართულ ოცნებას" საერთაშორისო ურთიერთობების, საქართველოს მოსახლეობის ტკივილების და მტერ ქვეყანასთან ურთიერთობის ცოდნას უწუნებს.

"ხანძრის დროს გამოვლინდა, რომ ჩვენს ხელისუფლებას არ ესმის არც საერთაშორისო კონტექსტი, არ ესმის მოსახლეობის ტკივილები ამ თემასთან დაკავშირებით, არ ესმით საერთოდ ურთიერთობა და ის, თუ რას ნიშნავს პარტნიორი და რას ნიშნავს ოკუპანტი, მტერი. ეს პრობლემები დღეს არ გაჩენილა - დღიდან ხელისუფლებაში "ქართული ოცნების" მოსვლისა, ჩვენ ამ პრობლემებს ვხედავთ განსაკუთრებით საერთაშორისო ურთიერთობებში.

თურქეთს, რომელიც არის ჩვენი სტრატეგიული პარტნიორი, საქართველოსთან ახლოს აქვს გაცილებით მძლავრი ტექნიკა ცეცხლის ჩაქრობის. თურქეთი იქნება, ბელორუსი, უკრაინა, აზერბაიჯანი, სომხეთი თუ ირანი, არიან ქვეყნები, რომლებიც არ არიან ეჭვმიტანილნი იმ ტყეების გადაწვაში. რუსეთი კი არის ამ ტყეების გადაწვაში ეჭვმიტანილი, იმიტომ, რომ ჩვენ ყველამ ვნახეთ 2008 წელს რუსეთი ამ ტერიტორიას როგორ ბომბავდა. საზოგადოებას უნდა ვცეთ პატივი, ეს ტკივილი ცოცხალია და არ შეიძლება ამ ნოტებზე თამაში. "ქართულ ოცნებას" არ ესმის არც ტკივილი, არც კონტექსტი და აქვს მექანიკური, გულცივი დამოკიდებულება საკუთარი საზოგადოების მიმართ", - განაცხადა გიგი უგულავამ.

ზაზა ფირალიშვილი - კრემლს ჩვენში ისეთი ძალის გამარჯვება აწყობს, ვინც კონფრონტაციული რიტორიკის ერთგული იქნება, ვერ შეძლებს ქვეყანში დიალოგისა და თანამშრომლობის ატმოსფეროს შექმნას
ქართული პრესის მიმოხილვა 29.10.2020
ანა დოლიძე - მჯერა, რომ უკეთესი საქართველოსთვის ბრძოლას  აქვს აზრი
პარტია „რეფორმერის“ თავმჯდომარე თორნიკე ჯანაშვილი - შევქმენით პრეცენდენტი, თუ როგორ შეიძლება აწარმოო თანამედროვე პოლიტიკური საარჩევნო კამპანია
ჟურნალისტური ეთიკის ქარტიის გადაწყვეტილებით დადგინდა, რომ "მთავარი არხისა" და "TV 1"-ს ჟურნალისტებმა არქის შვილობილ კომპანიასთან მიმართებაში ცრუ ინფორმაცია გაავრცელეს
Colliers International Georgia-მ მტკვრის მარცხენა სანაპიროს უძრავი ქონების ფუნქციური ანალიზი განახორციელა
ნანა დევდარიანი - გაუპატიურების, ძალადობის, ცემის, წამების ამსახველი კადრები არავის დავიწყებია (R)
არჩილ ბენიძე - მწამებლებისა და მკვლელების დასჯა ერთადერთ პარტიას - "პატრიოტთა ალიანსს" შეუძლია (R)
„სილქფესტი“ მომხმარებლებს სასაუბრო და ინტერნეტ პაკეტებზე ულიმიტო პირობებს შესთავაზებს
ექსპოჯორჯია აგრო ექსპორტის ფორუმს, ონლაინ - B2B ფორმატში გამართავს
ირმა ინაშვილი - "ქართული ოცნება" დამნაშავეა იმაში, რომ წლების მანძილზე ხელს აფარებდა დამნაშავეებს (R)
გიორგი ლომია - ციხის კადრებში ნათლად ჩანს, რომ პატიმრების წამებაში მთელი სისტემა იყო ჩართული (R)
ირმა ინაშვილი - "ნაციონალური მოძრაობა" ისტორიას და ფაქტებს ვერ წაშლის, რადგან ხალხს ყველაფერი ახსოვს (R)