მიხეილ ჩხენკელი - განათლების, მეცნიერების ხარისხის ამაღლება ჩვენი სამინისტროს მთავარი პრიორიტეტია
განათლებისა და მეცნიერების ახალი მინისტრი მიხეილ ჩხენკელი პრემიერ-მინისტრს ნდობისთვის მადლობას უხდის. როგორც ჩხენკელმა პრემიერ-მინისტრთან შეხვედრაზე განაცხადა, განათლების ხარისხის და ასევე მეცნიერების ხარისხის ამაღლება განათლების სამინისტროს მთავარი პრიორიტეტი იქნება.
„უღრმესი მადლობა ნდობისთვის. მთელს ჩემს ენერგიას, გამოცდილებას არ დავიშურებ იმისთვის, რომ ამ ძალიან მნიშვნელოვან საქმეს ვემსახურო, როგორც ეს ასახულია მთავრობის ოთხპუნქტიან გეგმაში. განათლებას აქვს უაღრესად მნიშვნელოვანი როლი ჩვენი ქვეყნის მომავლისთვის და ზოგადად განათლების, ასევე მეცნიერების ხარისხის ამაღლება არის ჩვენი სამინისტროს მთავარი პრიორიტეტი. ყველაზე მნიშვნელოვანი გახლავთ ის, რომ თითოეულმა ახალგაზრდამ იგრძნოს, რომ სახელმწიფო მასზე ზრუნავს. ეს ნამდვილად ასე მოხდება, რომ ჩვენი ძალიან ნიჭიერი ახალგაზრდა თაობის პოტენციალის რეალიზება განხორციელდეს ჩვენს ქვეყანაში“, - განაცხადა მიხეილ ჩხენკელმა.
v-if="article.gallery" v-html="article.gallery"
