თბილისში დაკავებული ხიზირ მარგოშვილის მეუღლე - ჩვენი სახლი გაჩხრიკეს, ვერაფერი იპოვეს და ბავშვის ლეპტოპი და ტელეფონები წაიღეს

სუს-ის მიერ დღეს ჩატარებული სპეცოპერაციისას თბილისში დაკავებული პანკისელის, ხიზირ მარგოშვილის მეუღლის განცხადებით, სამართალდამცავებმა მათი სახლის ჩხრეკის შედეგად ბავშვის ლეპტოპი და ტელეფონები წაიღეს.

როგორც მარგოშვილის მეუღლე ლია დუიშვილმა „ინტერპრესნიუსს“ განუცხადა, ჩხრეკა მათ სახლში წუხელ ჩატარდა.

"სახლს რომ ჩხრეკდნენ, მესოდა საუბარი - ჩემს ქმარზე ამბობდნენ, გაიქცა, თუმცა თბილისში ვიპოვეთ და დავაკავეთო. ხიზირი 5-6 დღეა, რაც თბილისში წავიდა თავის საქმეზე. ღამის შემდეგ მე ვეღარ დავუკავშირდი და არაფერი ვიცი. წუხელ ჩვენს ეზოში ბევრი სპეცრაზმელი იყო. ყველაფერი გაჩხრიკეს, მაგრამ ვერაფერი იპოვეს. საბოლოოდ, ბავშვის ლეპტოპი და ტელეფონები წაიღეს. თვითონვე უკვირდათ, იარაღს ვეძებდით და ვერაფერი ვნახეთო. არ ვიცი, რა უნდათ ჩვენგან, რას ვაშავებთ," - განაცხადა ხიზირ მარგოშვილის მეუღლემ.

აღსანიშნავია, რომ სუს-ის ინფორმაციით, ხიზირ მარგოშვილის გარდა დაკავებულია კიდევ რამდენიმე პირი, რომლებიც უშუალოდ პანკისში აიყვანეს.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 21.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს