ადვოკატი - ანატოლი ბერძენიშვილი ბრალს არ აღიარებს და ისევ დუმილის უფლებას იყენებს

ტერორიზმის დაფინანსების ბრალდებით დაკავებული ანატოლი ბერძენიშვილი წარდგენილ ბრალს არ აღიარებს, - ამის შესახებ ჟურნალისტებს სახელმწიფო უსაფრთხოების სამსახურის დატოვების შემდეგ ბრალდებულის ადვოკატმა მაია სირაძემ განუცხადა.

მისი თქმით, დაკავებული ამ დრომდე დუმილის უფლებას იყენებს. ადვოკატისთვის ისევ უცნობია საქმის მასალები და არ ფლობს ინფორმაციას იმასთან დაკავშირებით, თუ რა კონკრეტული მტკიცებულებები გააჩნია ბრალდების მხარეს.

„მას ბრალი ოფიციალურად უკვე წარედგინა, თუმცა არ აღიარებს. თვითონაც გაურკვევლობაშია, თუ რატომ დააკავეს, რადგან მას არანაირი კავშირი არ ჰქონია ამ საქმეში ბრალდებულ სხვა პირებთან და მისი საქმიანობაც დაკავშირებულია ქველმოქმედებასთან, ტაძრების მშენებლობასთან, რისი გადამოწმებაც შესაძლებელია. ჯერჯერობით საქმის მასალები არ გადმომცემია და არ ვიცი, კონკრეტულად რა მტკიცებულებები გააჩნია უსაფრთხოების სამსახურს“, - აღნიშნა მაია სირაძემ.

ადვოკატი კიდევ ერთხელ გამოეხმაურა ბერძენიშვილის სახაზინო ადკატის, ელდარ გვალიას განცხადებას იმასთან დაკავშირებით, რომ ბრალდებულს ურთიერთობა ჰქონდა მაჩალიკაშვილებთან, ასევე, ბერი გაბრიელ სალოსის ქუჩაზე სპეცოპერაციის შედეგად გარდაცვლილ პირებთან და აღნიშნა, რომ ეს ინფორმაცია სიმართლეს არ შეესაბამება. მისივე განცხადებით, დაკავებულ ბერძენიშვილს გვალიასთან მიმართებით გუშინვე გაუჩნდა კითხვები, რომ იქ შესაძლოა სპეციალურად ყოფილიყო შეგზავნილი, რის გამოც მან გუშინ ადვოკატის არც ერთ კითხვას არ უპასუხა. მაია სირაძის განმარტებით, აღნიშნულიდან გამომდინარე, აპირებს მიმართოს სახალხო დამცველს, იუსტიციის მინისტრს და ადვოკატთა ასოციაციას, რათა მოხდეს ელდარ გვალიას საადვოკატო საქმიანობის შესწავლა.

ადვოკატები სახელმწიფო უსაფრთხოების სამსახურში სავარაუდოდ, კიდევ ერთხელ მიბრუნდებიან, რათა საქმის მასალის შესწავლის შემდგომ ბრალდებულის პოზიციები მოისმინონ.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 21.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით