ისნის გამგეობის ინფორმაციით, ბერი გაბრიელ სალოსის გამზირზე ჩატარებული სპეცოპერაციისას დაზიანებული შენობა საცხოვრებლად ვარგისია

ბერი გაბრიელ სალოსის გამზირზე ჩატარებული სპეცოპერაციისას დაზიანებული შენობა საცხოვრებლად ვარგისია, - ამის შესახებ „ინტერპრესნიუსს“ ისნის რაიონის გამგეობაში განუცხადეს.

მათივე ინფორმაციით, დაზიანებული ბინების გამაგრებითი სამუშაოები და რემონტი ჯერ არ დასრულებულა, რაც შეეხება კორპუსს, ის საცხოვრებლად ვარგისია.

„ერთი კვირის წინ დაასრულა ლაბორატორიამ მუშაობა, დასკვნა დაიდო, რომ კორპუსი საცხოვრებლად ვარგისია. ბინების დაზიანებები სხვადასხვა კატეგორიისაა, სადაც გამაგრებითი სამუშაოები და რემონტი მიმდინარეობს“, - აცხადებენ ისნის რაიონის გამგეობაში.

ბერი გაბრიელ სალოსის გამზირზე ჩატარებული სპეცოპერაციის დროს დაზიანებული სახლების სარემონტო სამუშაოები 10 დეკემბრიდან დაიწყო. სულ 8 ბინა იყო დაზიანებული, რომელთა სრული რეაბილიტაციისთვისაც 300 000 ლარია გამოყოფილი.

ბერი გაბრიელ სალოსის ქუჩაზე ანტიტერორისტული ოპერაცია 2017 წლის 22 ნოემბერს ჩატარდა. სპეცოპერაციის შედეგად დაზიანდა საცხოვრებელი კორპუსი, რომლის მცხოვრებლებიც თბილისის მერიამ დროებით საცხოვრებელში გადაიყვანა.

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 18.07.2024
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის