დოდო გუგეშაშვილი - სამწუხაროდ, მე არასოდეს მიფიქრია რაიმე სიფრთხილის დაცვაზე და ის ადამიანი სახლში ჩვეულებრივად, რამდენჯერმე შემოვუშვი

ჩემი შვილის მისამართით გასროლა არ მახსოვს, როცა მკვლელმა მესროლა, მეგონა ჩემი შვილი სახლიდან უკვე გასული იყო, - ამის შესახებ თადარიგის პოლკოვნიკმა, დოდო გუგეშაშვილმა, ტელეკომპანია ”პირველისთვის” მიცემულ ინტერვიუში განაცხადა.

მისი თქმით, მკვლელობის დღეს კარი ღია ჰქონდა და ვინაიდან მკვლელს იცნობდა, როგორც ვეტერანს, სახლში ჩვეულებრივ შემოუშვა.

”სამწუხაროდ, მე არასოდეს მიფიქრია რაიმე სიფრთხილის დაცვაზე და ადამიანი, რომელიც ცდილობდა ვითომ საქმიან კონტაქტზე გამოსვლას, სახლში ჩვეულებრივად, რამდენჯერმე შემოვუშვი. იმ დღეს დარეკა ზარი და მე სამწუხაროდ, როგორც ყოველთვის კარი ღია მქონდა. ჩვეულებრივად შემოვიდა. რამდენიმე წუთის მერე მე მესროლა. ჩემთვის სრულიად მოულოდნელი იყო. მახსოვს, რომ მესროლეს გულის არეში და მე მეგონა, რომ ჩემი ვაჟი უკვე სახლიდან გასული იყო. მესროლეს მე და ესროლეს შვილს. მაგრამ სროლის მომენტი ჩემი შვილის მიმართ მე არ მინახავს. არ ვიცი რა ხდება, მაგრამ არაფერ შუაში არ არის პოლიტიკა, არ არის ბიზნესი, არ არის წინა საუკუნის სავალალო დაპირისპირება, რომელიც მთელმა საქართველომ გავიარეთ, არ არის არც ერთი ომი. დარწმუნებული ვარ, რომ ეს არ არის არც ფულიანი ბიზნესი, არც მსგავსი რამ. ამაში ვარ სრულიად დარწმუნებული”, - განაცხადა დოდო გუგეშაშვილმა.

თადარიგის პოლკოვნიკი გამოეხმაურა ინფორმაციას იმის შესახებ, რომ მკვლელი სავარაუდოდ დაჭრილია. ”ტყუილია ეს ინფორმაცია, მკვლელი დაჭრილი არ არის. ვერც იქნებოდა, რადგან მე ვიყავი საშინაო ფორმაში, ჩუსტებით და ხალათით, და როგორ ვესროდი”, - განაცხადა გუგეშაშვილმა.

თადარიგის პოლკოვნიკს, დოდო გუგეშაშვილს და მის შვილს 7 თებერვალს, საკუთარ საცხოვრებელ სახლში თავს დაესხნენ. ცეცხლსასროლი იარაღიდან გასროლის შედეგად დოდო გუგეშაშვილი დაიჭრა, ხოლო მისი შვილი, ნოდარ გუგეშაშვილი ადგილზე გარდაიცვალა.

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
ინოვაციური მომსახურება სამშენებლო სფეროში
მერაბ ჭიქაშვილი - "ხელისუფლებამ უნდა გაიგოს, რომ "ნაციონალური მოძრაობის" რეანიმაცია და გადარჩენა არ მოხდება!" (R)
თომა ხაბეიშვილი - "პატრიოტთა ალიანსი" პირველი პარტიაა, რომელიც  გამარჯვებისკენ სწორი ხედვებით მიისწრაფვის!" (R)
არჩილ ბენიძე - "ამომრჩეველზე სხვადასხვა სახის ფსიქოლოგიური ზეწოლა მიმდინარეობს!" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)
ლიბერთი #გულით და Lingwing-ის ერთობლივი პროექტი
გიგანტური კერამიკული ფილები (R)
სამსუნგის The Serif ტელევიზორი საქართველოში უკვე იყიდება
მოიპოვე მსოფლიოში ყველაზე მოთხოვნადი მინერალები საქართველოში
eutoday - ყარაბაღის კონფლიქტი - ბრძოლა საერთაშორისო სამართლისთვის და არა რელიგიისთვის