დოდო გუგეშაშვილის დაჭრისა და მისი შვილის მკვლელობის საქმეზე ყველა ის ვერსია მოწმდება, რაც გამოძიებას ამ ეტაპზე აქვს, - ამის შესახებ ჟურნალისტებს შს მინისტრის მოადგილე ნათია მეზვრიშვილმა განუცხადა.

მისი ინფორმაციით გამოძიება სხვადასხვა მიმართულებით მუშაობს, მათ შორის მედიაში გავრცელებული ინფორმაციების კუთხითაც.

"ქალბატონი დოდოს გამოკითხვა უკვე განხორციელდა და ხდება ყველა იმ ვერსიის გადამოწმება, რომელიც ამ ეტაპზე გამოძიებას აქვს. ძალიან ბევრი მიმართულებით ვმუშაობთ და როგორც კი დამატებითი დეტალები გახდება ცნობილი, საზოგადოებას ინფორმაციას აუცილებლად მივაწვდით", - განაცხადა მეზვრიშვილმა.