თადარიგის პოლკოვნიკის, დოდო გუგეშაშვილის ჯანმრთელობის მდგომარეობა დამაკმაყოფილებელია და მკურნალობას პალატაში განაგრძობს. ამის შესახებ „ინტერპრესნიუსს“ ღუდუშაურის კლინიკის პრესსამსახურში განუცხადეს. მათივე ცნობით, გუგეშაშვილი რეანიმაციული განყოფილებიდან პალატაში გუშინ საღამოს გადაიყვანეს.

შეგახსენებთ, რომ დოდო გუგეშაშვილს და მის ვაჟს ნოდარ გუგეშაშვილს საცხოვრებელ სახლში თავს 7 თებერვალს დაესხნენ. ცეცხლსასროლი იარაღით მიყენებული ჭრილობის შედეგად ნოდარ გუგეშაშვილი გარდაიცვალა, დოდო გუგეშაშვილი კი გულ-მკერდის არეში დაიჭრა. ის ამ დრომდე მკურნალობას ღუდუშაურის კლინიკაში განაგრძობს.

თავდამსხმელი დაკავებული არ არის. შსს-ს ცნობით, გამოძიება განზრახ მკვლელობის და დამამძიმებელ გარემოებაში ჩადენილი განზრახ მკვლელობის მცდელობის ფაქტზე სისხლის სამართლის კოდექსის 108-ე და 19-109-ე მუხლებით მიმდინარეობს.