დოდო გუგეშაშვილი ღუდუშაურის კლინიკიდან გაწერეს

თადარიგის პოლკოვნიკი, დოდო გუგეშაშვილი ღუდუშაურის კლინიკიდან გაწერეს. ამის შესახებ „ინტერპესნიუსს“ ღუდუშაურის კლინიკის პრესსამსახურში განუცხადეს.

მათი ინფორმაციით, გუგეშაშვილი კლინიკიდან რამდენიმე საათის წინ გაეწერა.

შეგახსენებთ, რომ დოდო გუგეშაშვილსა და მის ვაჟზე შეიარაღებული თავდასხმა 7 თებერვალს მოხდა. დედა-შვილს საცხოვრებელ სახლში დაესხნენ თავს. ცეცხლსასროლი იარაღით მიყენებული ჭრილობის შედეგად დოდო გუგეშაშვილი გულ-მკერდის არეში დაიჭრა, ხოლო მისი შვილი ნოდარ გუგეშაშვილი გარდაიცვალა. მომხდართან დაკავშირებით თავდამსხმელი პოლიციას ჯერჯერობით არ დაუკავებია.