ინგოროყვას კლინიკაში მოთავსებული ერთ-ერთი ბავშვის მდგომარეობა მძიმეა, მას ამ წუთებში თავზე ოპერაცია უტარდება

ბარათაშვილის ქუჩაზე, შენობიდან შუშის ჩამოვარდნის შედეგად დაშავებული სამი ბავშვიდან ერთის მდგომარეობა მძიმეა. ამის შესახებ „ინტერპრესნიუსს“ ინგოროყვას კლინიკაში განუცხადეს.

როგორც კლინიკაში აცხადებენ, მოზარდს ამ წუთებში ოპერაცია უტარდება. მას ჭრილობები თავის არეში აქვს. დანარჩენი ორის მდგომარეობა კი დამაკმაყოფილებელია.

"სამი ბავშვი შემოიყვანეს. 13 წლის ბიჭის მდგომარეობა მძიმეა. შემოსვლისთანავე განვითარდა გულყრა. ჩატარდა შესაბამისი ღონისძიებები. ჰერმოდინამიკა იყო არასტაბილური. გაკეთდა თავის ტვინის კომპიუტერული კვლევა და პირდაპირ იქნა აყვანილი საოპერაციოში. დანარჩენი ორი ბავშვის მდგომარეობა დამაკმაყოფილებელია და სიცოცხლისთვის საშიში მდგომარეობა არ არის", - განაცხადა ექიმმა ბესარიონ ყავლაშვილმა.

თავის მხრივ, გამოკვლევები უტარდებათ „ამტელ ჰოსპიტალში“ მოთავსებულ მოზარდებსაც.

ბარათაშვილის ქუჩაზე შენობიდან შუშის ჩამოვარდნის შედეგად, სკოლის მოსწავლეები დაშავდნენ. როგორც „ინტერპრესნიუსს“ სასწრაფო-სამედიცინო დახმარების ცენტრში განუცხადეს, შემთხვევის ადგილიდან 3 მოზარდი ინგოროყვას კლინიკაში გადაიყვანეს, 3 კი „ამტელ ჰოსპიტალში“.

მირიან  მირიანაშვილი - ტრამპს არ მიეცემა საშუალება და ეს დღეს თვალნათლივ ჩანს, რუსეთთან პოლიტიკური ზავი იმდაგვარ ფორმატში დაიდოს, რომელიც რაიმენაირად ზიანს მიაყენებს უკრაინაში დასავლეთის ინტერესებს
ქართული პრესის მიმოხილვა 19.05.2025
გაიზომე წნევა დღესვე - 17 მაისი ჰიპერტენზიასთან ბრძოლის საერთაშორისო დღეა