ბარათაშვილის ქუჩაზე მომხდარი უბედურ შემთხვევის გამო თბილისის მერია მწუხარებას გამოთქვამს
ბარათაშვილის ქუჩაზე მომხდარი უბედურ შემთხვევის გამო თბილისის მერია მწუხარებას გამოთქვამს. „დღეს ბარათაშვილის ქუჩაზე მოხდა უბედურიშემთხვევა, რომელმაც ყველა შეგვძრა. შენობის ფასადიდან ჩამოვარდა შუშის ფრაგმენტი, რომელმაც შეიწირა N70 საჯარო სკოლის მოსწავლის, 13 წლის ბიჭის სიცოცხლე. უდიდეს მწუხარებას გამოვთქვამთ ამ ტრაგედიის გამო და თანაგრძნობას ვუცხადებთ დაღუპულის ოჯახს“, - ნათქვამია დედაქალაქის მერიის მიერ გავრცელებულ განცხადებაში.
ბარათაშვილის ქუჩაზე მომხდარი შემთხვევის შედეგად დაშავებული 14 წლის ბიჭი ინგოროყვას კლინიკაში ცოტა ხნის წინ გარდაიცვალა. ამის შესახებ ჟურნალისტებს კლინიკის ექიმმა განუცხადა. მისი თქმით, მოზარდს სიცოცხლესთან შეუთავსებელი ტრავმები აღენიშნებოდა. ბარათაშვილის ქუჩაზე რამდენიმე საათის წინ, შენობიდან ფანჯრის შუშა ჩამოვარდა. შედეგად ჯამში 6 ბავშვი დაშავდა. დანარჩენების მდგომარეობა სტაბილურია.
