მიხეილ ჩხენკელი შენობიდან მინის ჩამოვარდნის შესახებ - შესაბამისი ორგანოებიდან ამ ტრაგედიის გამომწვევი ფაქტების უსწრაფეს გამოძიებას და შესაბამის რეაგირებას ველოდებით
მე, ისევე როგორც მთელი საზოგადოება, ველოდებით შესაბამისი ორგანოებიდან ამ ტრაგედიის გამომწვევი ფაქტების უსწრაფეს გამოძიებას და შესაბამის რეაგირებას, - ამის შესახებ განათლებისა და მეცნიერების მინისტრმა მიხეილ ჩხენკელმა განაცხადა, რითაც გამოეხმაურა გუშინ მომხდარ ინცინდენტს, რა დროსაც შენობიდან შუშის ჩამოვარდნის შედეგად 14 წლის ბავშვი გარდაიცვალა, ხოლო 5 მოსწავლე დაშავდა.
მინისტრმა გარდაცვლილის ოჯახს მიუსამძიმრა.
“საშინელი ტრაგედია მოხდა. მინდა მთელი გულით მივუსამძიმრო გარდაცვლილი ბავშვის ოჯახსა და ახლობლებს. მე, ისევე როგორც მთელი საზოგადოება, ველოდებით შესაბამისი ორგანოებიდან ამ ტრაგედიის გამომწვევი ფაქტების უსწრაფეს გამოძიებას და შესაბამის რეაგირებას. გამოძიება უკვე მიმდინარეობს და ყველანი ველოდებით შედეგს”, - განაცხადა მიხეილ ჩხენკელმა.
გუშინ, ბარათაშვილის ქუჩაზე, შენობიდან მინის ჩამოვარდნის შედეგად 14 წლის 6 მოსწავლე დაშავდა. მოზარდები საავადმყოფოში გადაიყვანეს, თუმცა ერთის გადარჩენა ვერ მოხერხდა.
