ზაზა სოფრომაძე - გუდაურში დაშავებულების მდგომარეობა სტაბილურია, არანაირი საფრთხე არ ემუქრება არც შვედი ტურისტის ორსულობას

ჯანდაცვის მინისტრის მოადგილის, ზაზა სოფრომაძის ინფორმაციით, გუდაურში დაშავებულებისგან ღუდუშაურის კლინიკაში ამ დროისთვის ოთხი პაციენტი რჩება, საიდანაც ერთი კლინიკიდან დღეს გაეწერება. სოფრომაძის განცხადებით, ყველა მათგანის ჯანმრთელობის მდგომარეობა სტაბილურია.

"ერთ მათგანს გაუკეთდა ოპერაცია. ოპერაციის შემდგომი მდგომარეობა სტაბილურია, ნორმალურია. გართულებას ადგილი არ აქვს და ვფიქრობთ, რომ უახლოესი დღეების განმავლობაში დანარჩენი პაციენტებიც გაეწერებიან კლინიკიდან," - განუცხადა ჟურნალისტებს სოფრომაძემ ღუდუშაურის კლინიკაში პაციენტების მონახულების შემდეგ.

რაც შეეხება "მედიქლაბ ჯორჯიაში" მოთავსებულ კიდევ ერთ ტურისტს, როგორც სოფრომაძემ განაცხადა, მისი ჯანმრთელობის მდგომარეობაც სტაბილურია, თუმცა ის ტრანსპორტირებისას მწოლიარე რეჟიმში უნდა იყოს, რადგან 15 კვირის ორსულადაა.

"მისი მდგომარეობა აბსოლუტურად დამაკმაყოფილებელია. ალბათ, უახლოეს დღეებში გაეწერება და დაბრუნდება სამშობლოში. რადგანაც ის გახლავთ 15 კვირის ორსული, სასურველია, რომ მწოლიარე რეჟიმში მოხდეს მისი ტრანსპორტირება, თუმცა, ორსულობას არანაირი საფრთხე არ ემუქრება", - განაცხადა სოფრომაძემ.

დავით იაკობიძე - მთავარია, კარგად ვიცოდეთ, რა გვინდა სოფლის მეურნეობასა და ეკონომიკაში და ვიცოდეთ, ვის შევთავაზოთ პარტნიორობა
მინდია დავითაძე - აუცილებელია საქპატენტის უწყვეტ რეჟიმში ფუნქციონირება, რათა ბიზნესს შექმნილ ვითარებაში პრობლემა არ შეექმნას
ქართული პრესის მიმოხილვა 09.04.2020
ვაჟა ბერიძე - მთავრობა სწრაფად და ეფექტიანად რეაგირებს გამოწვევებზე, ეს სადღეისოდ საკმარისია, მაგრამ ტაში და ვაშა ჯერჯერობით ნაადრევია
„გაგუას კლინიკამ“ რესპუბლიკურ საავადმყოფოს 10 ელექტროფუნქციური საწოლი საჩუქრად გადასცა
„ტერასა ჯგუფმა“ ორასამდე სოციალურად დაუცველ ოჯახს საკვები პროდუქტები გადასცა
"ლიბერთი ბანკის" მმართველ გუნდში ცვლილებებია
"ბაზისბანკის" ციფრული არხებით სარგებლობა უფასოა