ექიმის ინფორმაციით, გუდაურში დაშავებულს, რომელსაც ოპერაცია ჩაუტარდა, სტაბილური მდგომარეობა აქვს და მკურნალობას პალატაში გადის

ღუდუშაურის კლინიკის გენერალური დირექტორის პირველი მოადგილის, მარინა გელანტიას ინფორმაციით, გუდაურში დაშავებული ოთხი ადამიანიდან რეანიმაციულ განყოფილებაში არცერთი არ არის. ამის შესახებ გელანტიამ ჟურნალისტებს განუცხადა.

მისივე ინფორმაციით, პაციენტს, რომელსაც ოპერაცია ჩაუტარდა, სტაბილური მდგომარეობა აქვს და პოსტოპერაციულ მკურნალობას პალატაში გადის, თუმცა, ის ინტენსიური დაკვირვების და მონიტორინგის ქვეშაა.

„ამ დროისთვის კლინიკაში რჩება ოთხი პაციენტი, რომელთა მდგომარეობაც აბსოლუტურად სტაბილურია, მათი სასიცოცხლო პარამეტრები დამაკმაყოფილებელია. ერთი პაციენტი ემზადება გასაწერად. დარჩენილ პაციენტებს მკურნალობა უგრძელდებათ, ჩაუტარდებათ კვლევები და მათი გაწერის შესახებ ამის შემდეგ მოგახსენებთ. რაც შეეხება პაციენტს, რომელსაც ოპერაცია ჩაუტარდა, ის პალატაში მკურნალობს, თუმცა, მასზე ინტენსიური მეთვალყურეობა და მონიტორინგი გრძელდება. კონკრეტულად რამდენი დრო დასჭირდება მას კლინიკაში დასაყოვნებლად, სამწუხაროდ, ახლა ვერ გეტყვით. გაუმეორდება კვლევები და გადაწყვეტილებას შემდეგ მივიღებთ“, - განაცხადა გელანტიამ.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 21.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით