გუდაურში, 16 მარტს, საბაგიროზე მომხდარ შემთხვევასთან დაკავშირებით მოკვლევის პირველადი შედეგი დღეს გახდება ცნობილი. ამის შესახებ „ინტერპრესნიუსს“ ეკონომიკისა და მდგრადი განვითარების სამინისტროდან აცნობეს.
უწყების ინფორმაციით, კომპანია „ბიურო ვერიტასის“ პირველად დასკვნასთან დაკავშირებით პირველი ვიცე-პრემიერი, ეკონომიკისა და მდგრადი განვითარების მინისტრი, დიმიტრი ქუმსიშვილი ბრიფინგს გამართავს.
შეგახსენებთ, რომ 16 მარტს, გუდაურში „საძელეს“ საბაგირო მწყობრიდან გამოვიდა. შემთხვევის შედეგად ჯამში 11 ადამიანი დაშავდა, მათ შორის უკრაინის , შვედეთის და რუსეთის მოქალაქეები.