ბათუმის ნავსადგურის თანამშრომელი - შიმშილობას 6 ადამიანი კვლავ გააგრძელებს, თუმცა თანამშრომლებს მოვუწოდებ, სამუშაო პროცესს დაუბრუნდნენ
ბათუმის ნავსადგურში თანამშრომლებისა და ხელმძღვანელების შეხვედრა დასრულდა. როგორც ნავსადგურის ერთ-ერთმა თანამშრომელმა თენგიზ სურმანიძემ შეხვედრის დასრულების შემდეგ განაცხადა, ხელმძღვანელის გადადგომის მოთხოვნით შიმშილს 6 ადამიანი კვლავ გააგრძელებს. მანვე თანამშრომლებს მოუწოდა, სამუშაო პროცესს დაუბრუნდენენ, რათა საწარმოს პარალიზება არ მოხდეს.
როგორც თენგიზ სურმანიძემ განაცხადა, ისინი ყაზახეთიდან დელეგაციას ელოდებიან, რომელიც პროცესს გაეცნობა და შემდგომ გადაწყვეტილებას მიიღებს.
ბათუმის ნავსადგურის თანამშრომლები მესამე დღეა აქციას მართავენ და შიმშილობენ. ისინი ხელმძღვანელობის გადადგომას ითხოვენ. მათი განცხადებით, უწყებაში რეორგანიზაცია მიმდინარეობს და მათ სამსახურის დაკარგვის მოლოდინი აქვთ. თავის მხრივ, საზღვაო ნავსადგურის ხელმძღვანელი აცხადებს, რომ ბათუმის საზღვაო ნავსადგურში რეორგანიზაცია არ მოხდება.
