სომხეთის პრემიერის მოვალეობის შემსრულებელმა პრეზიდენტს პარლამენტის დათხოვნა და რიგგარეშე არჩევნების ჩატარება შესთავაზა

სომხეთის პრემიერ-მინისტრის მოვალეობის შემსრულებელმა კარენ კარაპეტიანმა რესპუბლიკის პრეზიდენტს არმენ სარქისიანს პოლიტიკური კრიზისიდან გამოსვლის გზები შესთავაზა, მათ შორის პარლამენტის დათხოვნა და რიგგარეშე საპარლამენტო არჩევნების ჩატარება. ამის შესახებ კარენ კარაპეტიანის განცხადებაშია ნათქვამი.

„მივმართავ სომხეთის პრეზიდენტს, მისთვის მისაღებ ფორმატში გაიმართოს ფართო შეხვედრა საპარლამენტო და არასაპარლამენტო ძალებთან, რათა განვიხილოთ ქვეყანაში არსებული ვითარება და მისი გადაჭრის სხვადასხვა გზები, მათ შორის რიგგარეშე საპარლამენტო არჩევნების ჩატარება“ , - განაცხადა კააპეტინმა და დაამატა, რომ შეშფოთებულია ქვეყანაში ჩამოყალიბებული ვითარებით და როგორც აღმასრულებელი ხელისუფლების ხელმძღვანელს აქვს პასუხისმგებლობა ცხოვრების ნორმალური რიტმი უზრუნველყოს ქვეყანაში.

კარაპეტიანმა მინისტრთა კაბინეტის სხდომაზე განაცხადა, რომ დღეს უნდა შემდგარიყო შეხვედრა ოპოზიციის ლიდერ ნიკოლ ფაშინიანთან არსებული ვითარების განსახილველად და გამოსავლის მოსაძებნად, თუმცა შეხვედრა არ შედგება, რადგან ფაშინიანმა ცალმხრივად წამოაყენა ახალი მოთხოვნები, კერძოდ, ფორმატისა და დღის წესრიგის შესახებ.

ლადო პაპავა - მოსახლეობა პოზიტიური დღის წესრიგის მოლოდინშია
ქართული პრესის მიმოხილვა 30.05.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
"სილქნეტი" StopCoV ფონდში კიდევ ერთ მილიონ ლარს გადარიცხავს
სამედიცინო სერვისებზე მნიშვნელოვანი შეღავათების გაცემა დაიწყო
2 წლის შედეგებით Domenebi.ge უმსხვილესი დამოუკიდებელი რეგისტრატორია
ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ